மகனுக்கு பெயர் சூட்டியபின் எடுக்கப்பட்ட பிறப்பு சான்றிதழின் புகைப்படத்தை ஜாய் கிரிசல்ட்டா தனது சமூக வலைதள பக்கத்தில் பதிவிட்டுள்ளார்.
நடிகரும் பிரபல சமையல் கலை நிபுணருமான மாதம்பட்டி ரங்கராஜ் பிரபல ஆடை வடிவமைப்பாளர் ஜாய் கிரிசல்ட்டா என்பவரை இரண்டாவதாக திருமணம் செய்து கொண்டார். முதல் மனைவியிடம் இருந்து விவாகரத்து பெறாமலே ரங்கராஜ் இரண்டாவது திருமணம் செய்து கொண்டது பெரும் சர்ச்சையானது. இதனைத் தொடர்ந்து சென்னை கமிஷனர் அலுவலகத்தில் ஜாய் கிரிசல்ட்டா தன்னை மாதம்பட்டி ரங்கராஜ் திருமணம் செய்து ஏமாற்றியதாக புகார் அளித்தது பெரும் பரபரப்பை ஏற்படுத்தியது. கமிஷனர் அலுவலகத்தில் புகார் அளிக்கும் போது ஆறு மாத கர்ப்பிணியாக இருந்து வந்த ஜாய் கிரிசல்ட்டாவுக்கு கடந்த வாரத்தில் அவருக்கு ஆண் குழந்தை பிறந்தது.
குழந்தை பிறந்த பின்னர் தனது சமூக வலைத்தளத்தில் அவ்வப்போது குழந்தை யின் புகைப்படங்களை பதிவிட்டு வந்த ஜாய்க்கு ரங்கராஜ் மற்றும் அவரது முதல் மனைவி ஸ்ருதி என இருவரிடமும் இருந்து அடுக்கடுக்கான பிரச்சனைகள் வர ஆரம்பித்தது. அதாவது ஜாய் பணத்திற்காக தன்னை மிரட்டியதாக ரங்கராஜ் மற்றும் அவரது முதல் மனைவி ஸ்ருதி கூற, அதற்கு ஜாய் மறுப்பு தெரிவித்து ரங்கராஜ் தான் தன்னை ஏமாற்றியதாகவும் தன்னை மட்டும் இன்றி பல பெண்களை அவர் ஏமாற்றியதாகவும் அவரது முதல் மனைவி ஸ்ருதிக்கும் அவர் துரோகம் செய்திருப்பதாகவும் தெரிவித்து வருகிறார். மேலும் ஜாய் தன்னிடம் ரங்கராஜுக்கு எதிராக உள்ள ஆதாரங்களையும் அவ்வப்போது சமூக வலைத்தளங்களில் பதிவிட்டு வருகிறார்.
இப்படி இவர்களுக்கு இடையே நடக்கும் இந்த பஞ்சாயத்து ஓயாமல் இணையதளத்தில் அடிக்கடி உலா வந்து கொண்டிருக்கும் நிலையில் ஜாய் கிரிசல்ட்டா தனது மகனுக்கு பெயர் சூட்டி, அந்த பெயரை அரசு ஆவணங்களில் பதிவு செய்து இணையத்தில் பகிரப்பட்டுள்ள புகைப்படம் தற்போது வைரலாகி வருகிறது. அதன்படி அப்பதிவில் ஜாய் , ” கடந்த 31/10/2025 ஆம் தேதி எங்களுக்கு ஆண் குழந்தை பிறந்தது என்றும், அந்த ஆண் குழந்தைக்கு “ராஹா ரங்கராஜ்” என்று பெயர் வைத்துள்ளோம் என்றும் விண்ணப்பத்தில் பதிவிட்டுள்ளார். இவரது இந்த பதிவு தற்போது வைரலாகி வருகிறது.
Here are some very low offer rated web hosting providers to consider: Click Here
