தவறை உணராத பத்திரிக்கையாளர்.. மீண்டும் கடுப்பாகிய கௌரி கிஷன்!

சர்ச்சையான கேள்வியை கேட்ட பத்திரிக்கையாளர் தனது தவறை உணர்ந்து மன்னிப்பு கேட்காமல் வருத்தம் தெரிவித்தது குறித்து நடிகை கௌரி கிஷன் பதிவிட்டுள்ளார்.

தமிழில் விஜய் சேதுபதி, திரிஷா நடிப்பில் வெளியான 96 திரைப்படத்தின் மூலம் அனைவருக்கும் பரிச்சயமானவர் கௌரி ஜி கிஷன். அப்படத்தின் வரவேற்பை தொடர்ந்து தளபதியுடன் ”மாஸ்டர்” தனுஷ் உடன் “கர்ணன்” போன்ற திரைப்படங்களில் முக்கிய வேடங்களில் நடித்திருந்த இவர் தமிழ் மட்டுமின்றி மலையாளத் திரைப்படங்களிலும் நடித்து பிரபல நடிகையாக வலம் வருகிறார். இவரது நடிப்பில் சில தினங்களுக்கு முன்பு “அதர்ஸ்” என்னும் திரைப்படம் தமிழில் வெளியானது. அப்படத்தின் பத்திரிக்கையாளர் சந்திப்பு கடந்த வாரம் நடைபெற்றது. அப்போது பத்திரிக்கையாளர் ஒருவர் ஹீரோவிடம் “கெளரி கிஷனின் வெயிட் (எடை) குறித்து கேள்வி கேட்க மிகுந்த கோபமடைந்த நடிகை கௌரி கிஷன் என்னோட வெயிட் பற்றி தனிப்பட்ட கேள்விகளைக் கேட்பது தப்பு என்றும் ஆண் நடிகர்களைப் பார்த்து பத்திரிகையாளர்கள் யாரும் இப்படி கேள்விகள் கேட்பதில்லை. நடிகைகளிடம் மட்டும் இப்படியான தனிப்பட்ட, உடல் சார்ந்த கேள்விகளை கேட்பது ஏன்? என்று அனைத்து பத்திரிக்கையாளரிடமும் கேள்வி எழுப்பினார். அது மிகப் பெரிய சர்ச்சையானது.

இந்த சம்பவம் குறித்து நடிகை கெளரி கிஷனுக்கு தமிழ், மலையாளம் திரையுலகில் இருந்து பல முன்னணி நட்சத்திரங்கள் தங்களது ஆதரவுகளை தெரிவித்து
அந்த பத்திரிகையாளரைக் கடுமையாக விமர்சித்திருந்தனர். இந்த நிலையில் ஆர்.எஸ். கார்த்தி என்ற அந்த யூடியூப் சினிமா பத்திரிகையாளர் வெளியிட்டுள்ள வீடியோ பதிவு தற்போது மீண்டும் சர்ச்சையை கிளப்பியுள்ளது. அதாவது அந்த வீடியோவில் பேசிய பத்திரிக்கையாளர் அதில், கௌரி கிஷன் குறித்த இந்த சம்பவம் எனக்கு மன உளைச்சலை ஏற்படுத்தியுள்ளது. நான் அவரை உடல் ரீதியாக கேலி செய்ய வேண்டும் என்று நினைக்கவில்லை. ஒரு ஜாலியான கேள்வியாக கேட்டது தவறாக புரிந்து கொள்ளப்பட்டது. அவரது மனதை காயப்படுத்த வேண்டும் என்று நான் நினைக்கவில்லை. எனது இந்தக் கேள்வியால் அவருக்கு மனவருத்தம் ஏற்பட்டிருந்தால் அதற்கு நான் வருத்தம் தெரிவித்துக் கொள்கிறேன். என்று தவறை உணர்ந்து மன்னிப்பு கேட்காமல் பேசியுள்ளார்.

அதனால் மீண்டும் கோபம் கொண்ட கௌரி கிஷன் தனது சமூக வலைத்தள பக்கத்தில் பத்திரிக்கையாளரின் வீடியோவை குறிப்பிட்டு “தவறை ஒத்துக்கொண்டு தெளிவாக மன்னிப்பு கேட்க வேண்டும். தவறை மறைத்து தனது கேள்வி தவறாக புரிந்து கொள்ளப்பட்டது எனக் கூறி வருத்தம் தெரிவிப்பதில் எந்தப் பயனும் இல்லை. தனது தவறை ஒத்துக்கொள்வதுதான் முக்கியம். இதுபோன்ற வெறுமையான வார்த்தைகளை நான் ஒருபோதும் ஏற்றுக்கொள்ள மாட்டேன். என பதிவிட்டுள்ளார். இவரது இந்த பதிவு தற்போது மீண்டும் சர்ச்சையாக மாறி வருகிறது.

Here are some very low offer rated web hosting providers to consider: Click Here