நடிகர் சிம்புவின் அரசன் திரைப்படத்தின் படப்பிடித்து தொடர்பான அப்டேட்டை இயக்குனர் வெற்றிமாறன் கொடுத்திருக்கிறார்.
பொல்லாதவன் திரைப்படத்தின் மூலம் தமிழ் சினிமாவிற்கு இயக்குனராக அறிமுகமானவர் வெற்றிமாறன். முதல் படத்திலேயே வெற்றியை கண்ட அவர் அதனை தொடர்ந்து ஆடுகளம், விசாரணை, வடசென்னை, அசுரன், விடுதலை 1&2 போன்ற வெற்றி படங்களை தொடர்ந்து கொடுத்து வருகிறார். ரசிகர்கள் மத்தியில் தனக்கென தனி இடம் பிடித்துள்ள இயக்குனர் வெற்றிமாறன் அடுத்ததாக சிம்புவின் “அரசன்” என்னும் திரைப்படத்தை இயக்க இருக்கிறார். கலைப்புலி S தாணு தயாரிக்க இருக்கும் இப்படத்திற்கான ப்ரோமோ கடந்த அக்டோபர் மாதம் தீபாவளியை முன்னிட்டு வெளியாகி ரசிகர்கள் மத்தியில் மிகப்பெரிய எதிர்பார்ப்பை ஏற்படுத்தியுள்ளது.
அதனால் படத்தின் அடுத்த அப்டேட்க்காக ரசிகர்கள் மிகுந்த ஆர்வத்துடன் இருந்து வரும் நிலையில் மாஸ்க் திரைப்படத்தின் ட்ரெய்லர் வெளியீட்டு விழாவில் அரசன் திரைப்படம் குறித்து இயக்குனர் வெற்றிமாறன் கொடுத்திருக்கும் அப்டேட் தற்போது ரசிகர்களை உற்சாகப்படுத்தி இணையத்தில் வைரலாகி வருகிறது. அதாவது அறிமுக இயக்குனர் விகர்ணன் அசோக் இயக்கத்தில் கவின் மற்றும் ஆண்ட்ரியா இணைந்து மாஸ்க் என்னும் திரைப்படத்தில் நடித்திருக்கின்றனர். வெற்றிமாறன் தயாரிப்பில் உருவாகி இருக்கும் இப்படம் வரும் நவம்பர் 21ஆம் தேதி திரையரங்குகளில் வெளியாக உள்ளது. ஒருபுறம் படத்திற்கான பிரமோஷன் பணிகள் தீவிரமாக நடைபெற்று வரும் நிலையில் நேற்று மாஸ்க் படத்தின் டிரைலர் வெளியீட்டு விழா கோலாகலமாக சென்னையில் நடைபெற்றது.
அது தொடர்பான வீடியோக்கள் மற்றும் புகைப்படங்கள் தற்போது இணையதளம் முழுவதும் வைரலாக பேசப்பட்டு வரும் நிலையில் அந்த விழாவில் பேசிய இயக்குனர் வெற்றிமாறன் அரசன் திரைப்படத்தின் அப்டேட்டை கொடுத்திருக்கிறார். அதில் அவர், நடிகர் சிம்புவின் அரசன் திரைப்படத்தின் படப்பிடிப்பு வரும் நவம்பர் 24 ஆம் தேதி முதல் துவங்க இருப்பதாக தெரிவித்திருக்கிறார். நேற்றைய தினம் அரசன் படத்தின் கெட்டபில் செம்ம ஸ்டைலாக இருக்கும் புகைப்படத்தை நடிகர் சிம்பு தனது இன்ஸ்டாகிராம் பக்கத்தில் பதிவிட்டு இருந்தது வைரலான நிலையில் தற்போது இயக்குனர் கொடுத்துள்ள அப்டேட் ரசிகர்களை உற்சாக அடைய செய்து வைரலாகி வருகிறது.
https://www.instagram.com/p/DQ1YlwOkSNJ/?utm_source=ig_web_copy_link
Here are some very low offer rated web hosting providers to consider: Click Here
