மக்கள் செல்வன் விஜய் சேதுபதி கைகளால் ‘லவ் ஓ லவ்’ (Love Oh Love) திரைப்படத்தின் ஃபர்ஸ்ட் லுக் இன்று அதிகாரப்பூர்வமாக வெளியானது. பவிஷ் நாராயணன் மற்றும் நாக துர்கா நடிப்பில் உருவாகியுள்ள இப்படத்தின் போஸ்டரை, தனது ‘பாக்கெட் நாவல்’ படப்பிடிப்பு தளத்தில் வைத்து வெளியிட்டு படக்குழுவினரை வாழ்த்தியுள்ளார் விஜய் சேதுபதி.
பிரம்மாண்டமான நட்சத்திர பட்டாளம்!
இந்தக் காதல் கதையில் வெறும் இளமை மட்டும் அல்ல, அனுபவமும் கைகோர்த்துள்ளது. முன்னணி இயக்குநர்களான செல்வராகவன் மற்றும் கே.எஸ்.ரவிக்குமார் ஆகியோர் முக்கிய கதாபாத்திரங்களில் நடித்துள்ளனர். இவர்களுடன் வனிதா விஜயகுமார், ஆதித்யா கதிர், ரம்யா என ஒரு பெரிய நட்சத்திர பட்டாளமே இப்படத்தில் இணைந்துள்ளது.
புதுமையான இசை மற்றும் தொழில்நுட்பம்:
- இசை: வடசென்னையைச் சேர்ந்த ‘FOXn’ (பிரதீப் PJ & வேயின் பாவே) இசையமைக்கின்றனர். இவர்களின் இளமை துள்ளும் இசை படத்திற்குப் பெரிய பலமாக அமையும் என எதிர்பார்க்கப்படுகிறது.
- ஒளிப்பதிவு: பி.ஜி. முத்தையா.
- எடிட்டிங்: தேசிய விருது பெற்ற என்.பி. ஸ்ரீகாந்த்.
- இயக்கம்: மகேஷ் ராஜேந்திரன்.
ரிலீஸ் எப்போது?
Zinema Media and Entertainment Ltd மற்றும் ஜி. தனஞ்செயன் தயாரிப்பில் உருவாகியுள்ள இப்படம், நவீன கால உறவுகளை மையமாகக் கொண்ட ஒரு எமோஷனல் லவ் டிராமாவாகும். தற்போது இறுதிக்கட்ட பணிகள் விறுவிறுப்பாக நடைபெற்று வரும் நிலையில், 2026 கோடை விடுமுறையில் (Summer 2026) இப்படம் திரைக்கு வரத் திட்டமிடப்பட்டுள்ளது.
Here are some very low offer rated web hosting providers to consider: Click Here
