என் வாழ்நாளின் சாதனை!” மாரி செல்வராஜ் நெகிழ்ச்சி… இசைஞானி இளையராஜா இசையில் தொடங்கியது ‘மஞ்சணத்தி’ படப்பிடிப்பு!

மண்ணின் மணமும் மனிதர்களின் ஆழமான வாழ்வியலும் பேசும் கதைகளை இயக்கி தமிழ் சினிமாவைத் தலைநிமிரச் செய்து வரும் இயக்குநர் மாரி செல்வராஜ், அடுத்ததாக இசைஞானி இளையராஜா உடன் இணையும் புதிய திரைப்படமான ‘மஞ்சணத்தி’ (Manjanathi) படத்தின் படப்பிடிப்பு இன்று பூஜையுடன் கோலாகலமாகத் தொடங்கியது. விழாவில் கலந்துகொண்ட இசைஞானி இளையராஜா குத்துவிளக்கேற்றி, முதல் காட்சிக்கான கிளாப் போர்டை அடித்துப் படப்பிடிப்பைத் தொடங்கி வைத்தார்.

இளையராஜா என் படத்திற்கு இசைப்பது வாழ்நாள் சாதனை!” – மாரி செல்வராஜ் உருக்கம்:

பூஜை விழாவில் பேசிய இயக்குநர் மாரி செல்வராஜ்:

“என் படங்களை இதுவரை இவ்வளவு கோலாகலமாகப் பூஜையுடன் தொடங்கியதில்லை. ஆனால் இந்தப் படத்தை அப்படித் தொடங்கக் காரணம் இளையராஜா சார்தான். அவரை நேரில் பார்க்க ஏங்கிய எனக்கு, என் படத்திற்கு அவர் இசையமைப்பது வாழ்நாள் சாதனை.

‘உனக்காகத்தான் அதிகாலையில் எழுதிக்கிட்டு இருக்கேன், வா’ என்று அவர் அழைத்த நொடியில் நாம் ஒன்றுமே இல்லை என்று உணர்ந்தேன். ராஜாவின் கர்வமும் திமிரும் என்றுமே அழகானது, மகத்துவமானது. இந்தத் திரைக்கதையை எழுதும்போதே ‘இங்கே ராஜா சார் எப்படி இசையமைப்பார்?’ என்று யோசித்துதான் எழுதினேன். என் சொந்த வாழ்க்கைக் கதையைத் தழுவிய படமாகவும் இது இருக்கும்.”

“இசை எனக்குள் அதுவாகவே வந்தது!” – இசைஞானி இளையராஜா உரை:

படத்தின் தொடக்க விழாவில் பேசிய இளையராஜா:

“நானும் காடு மேடுகளிலும் முள்ளுக்காடுகளிலும் வளர்ந்தவன்தான். எனக்கு இசையைச் சொல்லித்தர யாரும் இல்லை, நானே தாகத்தோடு கற்றுக்கொண்டேன். உலக மேதைகள் சிறுவயதிலேயே பியானோ கற்றுக்கொண்ட நிலையில், நான் பியானோவைப் பார்க்கவே 27 வயதானது. எனக்குள் ஓடும் இசையின் ஜீவன் இதுவரை யாருக்கும் வந்ததில்லை, இனியும் வரப்போவதில்லை; இதை நான் கர்வத்தோடுதான் சொல்வேன். ஜெர்மனியில் தாயின் வயிற்றில் அசைவின்றிக் கிடந்த குழந்தை என் இசையைக் கேட்டு உயிர் பிழைத்தது உண்மைச் சம்பவம். சரஸ்வதி எனக்குக் கொடுத்த கடமையைச் செய்கிறேன். என் இசையைக் கொண்டாடும் மாரி செல்வராஜுடன் இணைந்து பணியாற்றுவது மகிழ்ச்சி.”

நட்சத்திரப் பட்டாளம் & பலமான கூட்டணி:

மாரி செல்வராஜை இயக்குநராக்கிய ‘பரியேறும் பெருமாள்’ நாயகன் கதிர் இப்படத்தில் முதன்மை பாத்திரத்தில் நடிக்கிறார். இவருடன்:

• கதாநாயகிகள்: பிரியங்கா மோகன், கயாடு லோஹர்.
• முக்கிய நட்சத்திரங்கள்: பூர்ணிமா ரவி, விது, ‘காக்கா முட்டை’ விக்னேஷ், ‘வாழை’ புகழ் ராகுல் மற்றும் புதுமுகம் ராகவி.

தொழில்நுட்பக் குழு & தயாரிப்பு விவரங்கள்:

• இசை: இசைஞானி இளையராஜா
• ஒளிப்பதிவு: எழில் அரசு K
• படத்தொகுப்பு: செல்வா RK
• கலை இயக்கம்: ராமு தங்கராஜ் | சண்டைப் பயிற்சி: திலீப் சுப்பராயன் | நடனம்: சாண்டி
• ஒலி வடிவமைப்பு: சுரேன்.G, அழகியகூத்தன்.S
• தயாரிப்பு: திவ்யா மாரி செல்வராஜ், மாரி செல்வராஜ், சுஷாந்த் பிரசாத் (நவ்வி ஸ்டூடியோஸ், ஃபார்ச்சூன் எண்டர்டெயின்மெண்ட், ஸ்கந்தா பிக்சர்ஸ்).

Here are some very low offer rated web hosting providers to consider: Click Here