ஜனநாயகன் திரைப்படத்தின் “தளபதி கச்சேரி” பாடல் இதுவரை 10 மில்லியன் பார்வையாளர்களை கடந்துள்ளது.
எச். வினோத் இயக்கத்தில் தளபதி விஜயின் நடிப்பில் உருவாகியுள்ள திரைப்படம் “ஜனநாயகன்”. அடுத்த ஆண்டு பொங்கலை முன்னிட்டு ஜனவரி 9 தேதி இப்படம் திரையரங்குகளில் வெளியாக உள்ளது. பூஜா ஹெக்டே நாயகியாக நடித்திருக்கும் இந்தப் படத்தில் மமிதா பைஜூ முக்கிய கதாபாத்திரத்தில் நடித்துள்ளார். பிரியாமணி, பாபி தியோல், கவுதம் மேனன், நரேன் உள்ளிட்ட பலர் முக்கிய வேடங்களில் நடிக்கின்றனர். படத்தின் படப்பிடிப்பு பணிகள் நிறைவடைந்ததை தொடர்ந்து இறுதி கட்ட பணிகள் மும்பரமாக நடைபெற்று வருகிறது.
அனிருத் இசையமைத்துள்ள இப்படம் அரசியலை மையமாகக் கொண்டு உருவாகி இருக்கலாம் என்ற தகவல் சினிமா வட்டாரங்களில் இருந்து வெளியாகி ரசிகர்களின் ஆர்வத்தை அதிகரிக்க செய்துள்ளது. அரசியலில் இறங்கிய நடிகர் விஜயின் கடைசி படமாக ஜனநாயகன் இருப்பதால் படத்தின் மீது அதீத எதிர்பார்ப்பு அனைவரது மதிலும் நிலவி வருகிறது. இப்படத்தின் முதல் சிங்கிள் பாடல் தீபாவளியை முன்னிட்டு வெளியாகும் என்று எதிர்பார்க்கப்பட்ட நிலையில், கரூர் சம்பவத்தைக் காரணமாகக் கொண்டு வெளியீட்டு தேதி மாற்றப்பட்டது.
அதன் பிறகு நேற்றைய தினம் இப்படத்தின் “தளபதி கச்சேரி” என்னும் ஃபர்ஸ்ட் சிங்கிள் பாடலை படக்குழு வெளியிட்டுள்ளது. மாஸ்டர் படத்தில் வாத்தி ரெய்டு என்னும் பாடலை எழுதிய தெருக்குரல் அறிவு எழுதியுள்ள இப்பாடல் ரசிகர்களால் தற்போது இணையதளம் முழுவதும் ட்ரெண்டிங்காகி வரும் நிலையில் இப்பாடல் இதுவரை 10 மில்லியன் பார்வையாளர்களை கடந்துள்ளதாக படத்தின் தயாரிப்பு நிறுவனம் பதிவின் மூலம் தங்களது மகிழ்ச்சியை தெரிவித்துள்ளது.
Here are some very low offer rated web hosting providers to consider: Click Here
