விஜய் மகன் ஜேசன் சஞ்சயின் முதல் படத்தின் டைட்டில் போஸ்டரை படக்குழு வெளியிட்டுள்ளது.
கோலிவுட் திரையுலகில் உச்ச நட்சத்திரமாக ஜொலிப்பவர் தளபதி விஜய். அவரது நடிப்பில் ஜனநாயகன் திரைப்படம் அடுத்த ஆண்டு ஜனவரி 9 ஆம் தேதி திரையரங்குகளில் வெளியாக உள்ளது. அரசியலில் களம் இறங்கிய நடிகர் விஜயின் கடைசி படமாக இப்படம் இருந்து வரும் நிலையில் அவரது மகன் ஜேசன் சஞ்சய் தமிழில் தனது முதல் படத்தை இயக்கி வருகிறார். வெளிநாட்டில் டைரக்ஷன் பற்றிய கோர்ஸ் முடித்துள்ளா விஜய்யின் மகனை பல இயக்குனர்கள் நடிகராக்க முயன்றனர். ஆனால் டைரக்ஷனில் அதிக ஆர்வம் கொண்ட ஜேசன் சஞ்சய் தனது முடிவில் உறுதியாக நின்று அவரது முதல் படத்தை இயக்கி வருகிறார்.
சந்தீப் கிஷன் கதாநாயகனாக நடித்து வரும் இப்படத்தை லைக்கா மற்றும் ஜேசன் சஞ்சயின் ஜேஎஸ்ஜே மீடியா நிறுவனம் இணைந்து தயாரித்து வருகின்றனர். பணத்தை மையமாகக் கொண்டு ஆக்சன் திரைப்படமாக உருவாகி வரும் இப்படத்திற்கு முன்னணி இசையமைப்பாளர் தமன் இசையமைத்து வருகிறார்.
இப்படத்தின் படப்பிடிப்பு பணிகள் சில மாதங்களுக்கு முன்பு தொடங்கப்பட்டு விறுவிறுப்பாக நடைபெற்று வரும் நிலையில் படத்தின் தலைப்பை தயாரிப்பு நிறுவனம் தற்போது அறிவித்துள்ளது. அதன்படி ஜேசன் இயக்கும் முதல் படமான இப்படத்திற்கு ‘சிக்மா’ என தலைப்பு வைக்கப்பட்டுள்ளதாக அதிகாரவபூர்வமான அறிவிப்பை படக்குழு போஸ்டருடன் வெளியிட்டுள்ளது. மேலும் இப்படம் தமிழ் மற்றும் தெலுங்கு மொழியில் வெளியாக இருப்பதாகவும் அப்போஸ்டரில் தெரிவித்துள்ளது. இதற்கு விஜய் ரசிகர்கள் படம் வெற்றி பெற தங்களது வாழ்த்துக்களை கூறி படத்தின் போஸ்டரை வைரலாக்கி வருகின்றனர்.
Here are some very low offer rated web hosting providers to consider: Click Here
