இந்த டீலிங் நமக்குள்ளேயே இருக்கட்டும்!" டெல்லி சென்ற எடப்பாடியை வடிவேலு காமெடியுடன் வறுத்தெடுத்த கே.என்.நேரு!

தேசிய ஜனநாயகக் கூட்டணியின் (NDA) தொகுதிப் பங்கீடு தொடர்பாகப் பேசுவதற்காக அதிமுக பொதுச்செயலாளர் எடப்பாடி பழனிசாமி சமீபத்தில் டெல்லி சென்று மத்திய உள்துறை அமைச்சர் அமித் ஷாவைச் சந்தித்தார். அதிமுகவின் இந்த டெல்லி பயணத்தைக் கடுமையாக விமர்சித்து, திமுகவின் மூத்த அமைச்சரான கே.என். நேரு காரசாரமான அறிக்கை ஒன்றை வெளியிட்டுள்ளார்.

வடிவேலு காமெடி நிலைமைதான்! எடப்பாடி பழனிசாமியின் டெல்லி பயணம் குறித்து விமர்சித்துள்ள அமைச்சர் நேரு, “டெல்லியில் அமித் ஷாவிடம் தொகுதிப் பங்கீடு குறித்துப் பேச பழனிசாமி சென்றிருப்பதைப் பார்க்கும் போது, எனக்கு ‘ஐயா’ திரைப்படத்தில் வரும் வடிவேலு காமெடிதான் நினைவுக்கு வருகிறது.

அந்தப் படத்தில் வடிவேலுவை வீட்டுக்குள் வைத்து அடித்துத் துவைத்து வெளியே அனுப்புவார்கள். அப்போது வெளியே வரும் வடிவேலு ஊர் மக்கள் முன்னிலையில், ‘அண்ணே… பிரமாதம். இந்த டீலிங் நமக்குள்ளேயே இருக்கட்டும்’ என்று மானத்தை மறைக்கப் பேசுவார். அந்த வசனம் அப்படியே இப்போது எடப்பாடி பழனிசாமிக்குக் கச்சிதமாகப் பொருந்துகிறது,” என்று கிண்டலடித்துள்ளார்.

அமலாக்கத்துறை சம்மன் போல… தொடர்ந்து பேசிய அவர், “அமலாக்கத் துறையும், சிபிஐயும் எப்படி சம்மன் அனுப்புமோ, அதுபோலத்தான் தற்போது தொகுதிப் பங்கீட்டுக்குப் பழனிசாமியை அமித் ஷா டெல்லிக்கு அழைத்திருக்கிறார். டெல்லிக்கு ஓடுவதுதான் ஒரு மாநிலக் கூட்டணிக்குத் தலைமை தாங்கும் அழகா? இது அதிமுக கூட்டணி இல்லை; பாஜக கூட்டணி என்பதை இந்தச் சம்பவம் அப்பட்டமாகக் காட்டுகிறது,” என்று சாடியுள்ளார்.

Advertisements

டெல்லிக்குச் சவால் விடும் முதலமைச்சர் முதலமைச்சர் மு.க. ஸ்டாலினுக்கும், எடப்பாடி பழனிசாமிக்கும் உள்ள வித்தியாசத்தையும் நேரு தனது அறிக்கையில் சுட்டிக்காட்டியுள்ளார். “தமிழ்நாடு டெல்லிக்கு Out of control (கட்டுப்பாட்டில் இல்லை) என்று முதலமைச்சர் மு.க. ஸ்டாலின் டெல்லியைப் பார்த்துச் சூளுரைக்கிறார். ஆனால், ‘டெல்லிக்கு வா பழனிசாமி’ என்று அமித் ஷா அதிகாரமாக அழைக்கும் நிலையில் அதிமுக உள்ளது. இந்த இரண்டுக்கும் உள்ள வேறுபாட்டைத் தமிழக மக்கள் நன்றாகப் புரிந்து கொண்டுள்ளார்கள்.”

வரும் 2026 சட்டமன்றத் தேர்தலில் இந்த ‘அடிமைக் கூட்டணிக்கு’ மக்கள் தகுந்த மரண அடி கொடுப்பார்கள் என்றும், முதலமைச்சர் மு.க. ஸ்டாலின் தலைமையிலான திராவிட மாடல் 2.0 ஆட்சி மீண்டும் அமையும் என்றும் கே.என். நேரு தனது அறிக்கையில் திட்டவட்டமாகத் தெரிவித்துள்ளார்.

Here are some very low offer rated web hosting providers to consider: Click Here

Related Latest News