ஏஜிஎஸ்-ன் அடுத்த சரவெடி ‘பிளாஸ்ட்’! ஆக்ஷன் கிங் அர்ஜுன் – ரவி பஸ்ரூர் கூட்டணியில் மிரட்டலான அறிவிப்பு!

கோட்’, ‘லவ் டுடே’ போன்ற பிரம்மாண்ட வெற்றிப் படங்களைத் தொடர்ந்து, ஏஜிஎஸ் என்டர்டெயின்மென்ட் தனது 28-வது தயாரிப்பான ‘பிளாஸ்ட்’ (BLAST) திரைப்படத்தின் தலைப்பு மற்றும் ஃபர்ஸ்ட் லுக் போஸ்டரை வெளியிட்டுள்ளது. கல்பாத்தி எஸ். அகோரம், கல்பாத்தி எஸ். கணேஷ், கல்பாத்தி எஸ். சுரேஷ் தயாரிப்பில் உருவாகியுள்ள இப்படத்தில் ‘ஆக்ஷன் கிங்’ அர்ஜுன் கதையின் நாயகனாக நடித்துள்ளார்.

குடும்பமா? கும்பலா? – சுவாரசியமான கதைக்களம்!

பிரதீப் ரங்கநாதனின் உதவி இயக்குநரான சுபாஷ் கே ராஜ், இப்படத்தின் மூலம் இயக்குநராக அறிமுகமாகிறார். படம் குறித்து அவர் கூறுகையில்,

ஒரு அன்பான குடும்பத்திற்கும், எதற்கும் துணிந்த ஒரு பயங்கர கும்பலுக்கும் இடையே நடக்கும் போராட்டமே இந்தப் படம். அனைத்து தரப்பு ரசிகர்களும் குடும்பத்துடன் ரசிக்கும் ஆக்ஷன் த்ரில்லராக இது இருக்கும்” என்றார்.

தமிழ் சினிமாவில் காலடி எடுத்து வைக்கும் ரவி பஸ்ரூர்!

‘கே.ஜி.எஃப்’ (KGF) படத்தின் அதிரடி இசை மூலம் இந்தியாவையே அதிரவைத்த இசையமைப்பாளர் ரவி பஸ்ரூர், இப்படத்தின் மூலம் நேரடியாகத் தமிழில் இசையமைப்பாளராக அறிமுகமாகிறார். இவருடன் இணைந்து ஒளிப்பதிவாளர் அருண் ராதாகிருஷ்ணன் மற்றும் படத்தொகுப்பாளர் பிரதீப் E ராகவ் ஆகியோர் பணியாற்றியுள்ளனர்.

நட்சத்திர பட்டாளம்:

• முக்கிய வேடங்களில்: அர்ஜுன், அபிராமி, ப்ரீத்தி முகுந்தன்.
• மற்ற நடிகர்கள்: ஜான் கொக்கேன், திலீபன், பவன், அர்ஜுன் சிதம்பரம், விவேக் பிரசன்னா மற்றும் பலர்.
• நிர்வாகத் தயாரிப்பு: அர்ச்சனா கல்பாத்தி (கிரியேட்டிவ் புரொடியுசர்).

இப்படத்தின் படப்பிடிப்பு மற்றும் இறுதிக்கட்ட பணிகள் முழுமையாக நிறைவடைந்துள்ள நிலையில், ‘பிளாஸ்ட்’ விரைவில் உலகெங்கும் உள்ள திரையரங்குகளில் வெளியாகத் தயாராக உள்ளது.

Here are some very low offer rated web hosting providers to consider: Click Here