பிரஜினின் ‘அந்தரன்’ ஜூன் 25-ல் ரிலீஸ்! ‘ராட்சசன்’, ‘போர் தொழில்’ ரேஞ்சுக்கு ஒரு மிரட்டலான க்ரைம் த்ரில்லர்!

பிரஜின், இவானா வருண் நடிப்பில், சந்தோஷ் ராவணன் இயக்கத்தில் உருவாகியுள்ள பரபரப்பான க்ரைம் த்ரில்லர் திரைப்படம் ‘அந்தரன்’ (Andharan). ஸ்ரீ கிரிஷ் பிக்சர்ஸ் சார்பில் மு. கி. சாம்பசிவம் தயாரித்துள்ள இப்படம் வரும் ஜூன் 25-ஆம் தேதி உலகெங்கும் திரையரங்குகளில் வெளியாகிறது. இதையொட்டி சென்னையில் நடந்த பத்திரிகையாளர் சந்திப்பில் சுவாரசியமான பல தகவல்கள் வெளியாயின.

‘அந்தரன்’ என்றால் என்ன? – இயக்குநர் விளக்கம்:

படம் குறித்து இயக்குநர் சந்தோஷ் ராவணன் பேசுகையில்,

“‘அந்தரன்’ என்றால் ‘ஹண்டர்’ (Hunter) அதாவது மறைந்திருந்து தாக்குபவன் என்று பொருள். நாம் அன்றாட வாழ்வில் கடந்து செல்லும் ஒரு மோசமான விஷயத்தின் பின்னணியை மையமாகக் கொண்டு இப்படம் உருவாகியுள்ளது.

மேலும், இது தற்போது நீதிமன்றத்தில் நடந்து வரும் ஒரு உண்மை வழக்கைத் தழுவி எடுக்கப்பட்டது. ‘ராட்சசன்’, ‘போர் தொழில்’, ‘தெகிடி’ படங்களைப் போல இதன் கிளைமாக்ஸில் ஒரு தனித்துவமான ட்விஸ்ட் இருக்கிறது” என்றார்.

சி.வி. குமார் கொடுத்த எனர்ஜி!

தமிழ் சினிமாவின் முன்னணி தயாரிப்பாளர் சி.வி. குமார் இப்படத்தை ஏற்கனவே பார்த்துவிட்டுப் பாராட்டியுள்ளார். “கதையின் போக்கை யாராலும் கணிக்க முடியாத அளவுக்குச் சுவாரசியமாக இயக்குநர் இயக்கியுள்ளார். ஜூன் 25 தியேட்டரில் இந்த படம் நிச்சயம் ஜெயிக்கும்” என்று படக்குழுவுக்கு நம்பிக்கை கொடுத்துள்ளார். மேலும், குடும்பத்துடன் கோயிலுக்குச் சென்று சீட்டுப் போட்டுத் தான் இந்த ‘அந்தரன்’ என்ற தலைப்பு தேர்வு செய்யப்பட்டது என்ற சுவாரசிய தகவலையும் பகிர்ந்து கொண்டார்.

20 வருடக் காத்திருப்பு – உருகிய பிரஜின்:

இப்படத்தின் நாயகன் பிரஜின் பேசுகையில், “ஏதேனும் ஒரு வெள்ளிக்கிழமை என் வாழ்க்கையை மாற்றிவிடாதா என்று 20 வருடங்களாக ஓடிக் கொண்டிருக்கிறேன். இந்த படம் ரசிகர்களின் காசிற்கும், நேரத்திற்கும் தகுதியான தரமான படைப்பாக இருக்கும்” என்று உருக்கமாகப் பேசினார். இந்நிகழ்வில் பிக் பாஸ் நண்பர்களான ‘விக்கல்ஸ்’ விக்ரம் மற்றும் சபரி கலந்துகொண்டு பிரஜினுக்கு வாழ்த்துகளைத் தெரிவித்தனர்.

நட்சத்திர பட்டாளம்:

இப்படத்தில் பிரஜினுடன் இணைந்து இவானா வருண், அனுபமா குமார், ‘அருவி’ பாலா மற்றும் தயாரிப்பாளர் சாம்பசிவம் ஆகியோர் முக்கிய வேடங்களில் நடித்துள்ளனர். ஹரி எஸ்.ஆர் இசையமைக்க, கிஷோர் ராமச்சந்திரன் ஒளிப்பதிவு செய்துள்ளார்.

Here are some very low offer rated web hosting providers to consider: Click Here