காஞ்சனா கதாபாத்திரம் எனக்கு என்றதும் கண்ணீரே வந்துவிட்டது!” – ‘என்ன விலை’ படம் குறித்து உருகிய நிமிஷா சஜயன்!

கதாபாத்திரங்களுக்கு உயிர் கொடுத்து நடிக்கும் முன்னணி நடிகை நிமிஷா சஜயன் (Nimisha Sajayan), தேசிய விருது பெற்ற இயக்குநர் சஜீவ் பழூர் இயக்கத்தில் நடித்துள்ள திரைப்படம் ‘என்ன விலை’ (Enna Vilai). சர்வதேச அளவில் பாராட்டுகளைக் குவித்து, பத்திரிகையாளர் காட்சிகளில் ஏகோபித்த வரவேற்பைப் பெற்றுள்ள இப்படம் வரும் செப்டம்பர் 17 அன்று திரையரங்குகளில் வெளியாகிறது. இந்நிலையில் இப்படத்தின் கதை மற்றும் கதாபாத்திரம் குறித்து நிமிஷா சஜயன் உணர்வுப்பூர்வமாகப் பேசியுள்ளார்.

எந்தக் கதாபாத்திரம் என்றதும் அழுதுவிட்டேன்” – நிமிஷா பகிர்வு:

படத்தில் நடித்த அனுபவம் குறித்து நிமிஷா சஜயன் பேசுகையில்:

“இயக்குநர் சஜீவ் என்னிடம் கதையை முழுமையாகச் சொல்லிவிட்டு, ‘விஜயலட்சுமி, காஞ்சனா என இரண்டு கதாபாத்திரங்களுமே அருமையாக எழுதப்பட்டுள்ளது; நீங்களே ஒன்றை தேர்வு செய்யுங்கள்’ என்றார். இரண்டுமே மிக அழுத்தமான பாத்திரங்கள் என்பதால் எதைச் செய்தாலும் மகிழ்ச்சி என்றிருந்தேன்.

இறுதியில், ‘காஞ்சனா பாத்திரம் உங்களுக்குத்தான்’ என்று அவர் உறுதி செய்த அந்த நொடியில் எனக்கு ஆனந்தக் கண்ணீரே வந்துவிட்டது. அவரை நெகிழ்ச்சியோடு கட்டிப்பிடித்துக் கொண்டேன். இப்படத்தில் கருணாஸ் சாருடன் எனக்குக் குறைவான காட்சிகளே இருந்தாலும், அவரது அசாத்திய நடிப்பைப் பார்த்து வியந்தேன். நிச்சயம் இப்படம் மக்களின் மனதில் நீங்காத இடத்தைப் பிடிக்கும்.”

ராமேஸ்வரக் கடலும் வாழ்வாதாரப் போராட்டமும்:

ராமேஸ்வரம் கடலில் பக்தர்கள் காணிக்கையாகச் செலுத்தும் சில்லறை நாணயங்களை மூழ்கி எடுத்துப் பிழைப்பு நடத்தும் ஒரு சாமானிய மனிதனின் உண்மை வாழ்வியலையும், அவரது வாழ்வாதாரத்திற்காகவும் சுயமரியாதைக்காகவும் வெடிக்கும் சட்டப் போராட்டத்தையும் மையமாகக் கொண்டு இப்படத்தின் கதை நகர்கிறது.

நட்சத்திரப் பட்டாளம் & தொழில்நுட்பக் குழு:

• நடிகர்கள்: கருணாஸ், நிமிஷா சஜயன், ஷாஷா சிவகுமார், விஜயலட்சுமி வீரமணி, ‘சித்தா’ தர்ஷன், பூர்ணிமா பாக்யராஜ், ஒய்.ஜி. மகேந்திரன், மொட்ட ராஜேந்திரன், நிழல்கள் ரவி, பிரவீணா, மோகன் ராம், சேத்தன் குமார், கவிதாலயா கிருஷ்ணன், கோலி சோடா பாண்டி, தீபா சங்கர் உள்ளிட்ட பலர்.
• இயக்கம்: சஜீவ் பழூர் (Sajeev Pazhoor)
• தயாரிப்பு: கலாமயா ஃபிலிம்ஸ் (ஜிதேஷ் வி)
• இசை: சாம் சி.எஸ். (Sam C.S.)
• ஒளிப்பதிவு: ஆல்பி ஆண்டனி | படத்தொகுப்பு: ஸ்ரீஜித் சாரங்

Here are some very low offer rated web hosting providers to consider: Click Here