singam puli fake account hospital issue : பேஸ்புக் பணமோசடியால் இயக்குனரும்,நடிகருமான சிங்கம்புலி திடீரென்று தனது செல்போன் எண்ணை சொல்லி பரபரப்பான வீடியோ ஒன்றை வெளியிட்டு எல்லோரும் கவனமாக இருக்குமாறு கூறியுள்ளார்.
தமிழில் தற்போது காமெடி நடிகராக நடித்து கொண்டிருப்பவர் சிங்கம் புலி. இதற்கு முன்பாக வசனகர்தாவாகவும், உதவி இயக்குநராகவும் சில படங்களில் பணியாற்றி இருக்கிறார். மேலும் அஜித்தின் ரெட் மற்றும் சூர்யாவின் மாயாவி என இரண்டு படங்களை இயக்கியுள்ளார்.
இந்த நிலையில் சிங்கம் புலி உடல் நலக்குறைவால், மருத்துவமனையில் சிகிச்சை பெற்று கொண்டுள்ளதாகவும் சிகிச்சைக்கு பணமின்றி தவித்துவருவதாகவும், எனவே அவருக்கு பணம் கொடுத்து உதவி செய்ய வேண்டும் என பேஸ்புக்கில் விளம்பரம் செய்யப்பட்டிருந்தது. இது கோலிவுட்டில் சற்று பரபரப்பை ஏற்படுத்த தற்போது சிங்கம்புலி இது தொடர்பாக பேசி வீடியோ வெளியிட்டுள்ளார்.
அதில், “கடந்த ரெண்டு நாளாக ஒரு போலியான பேஸ்புக் அக்கவுண்ட்லயிருந்து, என் பெயரை கூறி சிலர் ஏமாற்றி பணம் வசூலிக்கின்றனர். யாரும் அந்த விளம்பரத்தை நம்ப வேண்டாம். எனக்கு சிங்கம்புலி ஆக்டர் என்ற ஒரே அக்கவுண்ட்தான் இருக்கிறது. நான் யாரிடமும் பணம் கேட்கவில்லை. கேட்க்கும் நிலையிலும் இல்லை. என்னைப்பற்றி எந்தப் பிரச்சனையாக இருந்தாலும் சரி, என்னுடைய நம்பருக்கு போன் செய்து முழு விவரங்களையும் கேட்டுவிட்டு, அடுத்த கட்ட நடவடிக்கையினை எடுங்க” என்றார்.
Here are some very low offer rated web hosting providers to consider: Click Here
