மாஸ்க் திரைப்படத்தின் ட்ரெய்லர் வெளியீட்டு விழாவில் பேசிய நடிகர் விஜய் சேதுபதியின் பேச்சு வைரலாகி வருகிறது.
விஜய் தொலைக்காட்சியில் ஒளிபரப்பான சரவணன் மீனாட்சி என்னும் தொடரின் மூலம் அனைவருக்கும் பரிச்சயமானவர் கவின். அதனைத் தொடர்ந்து பிக் பாஸ் நிகழ்ச்சி மூலம் மக்கள் மனதில் இடம் பிடித்த இவர் தற்போது வெள்ளித்திரையில் டாடா, லிஃப்ட், பிளடி பெக்கர், ஸ்டார் போன்ற திரைப்படங்களில் நடித்து தற்போது முன்னணி நடிகராக வலம் வருகிறார். இவரது நடிப்பில் சமீபத்தில் கிஸ் திரைப்படம் வெளியாகி வரவேற்பை பெற்று வருகிறது.
அதனைத் தொடர்ந்து நடிகர் கவினின் அடுத்த திரைப்படமாக “மாஸ்க்” என்னும் திரைப்படம் வரும் நவம்பர் 21ஆம் தேதி திரையரங்குகளில் வெளியாக உள்ளது. அறிமுக இயக்குநர் விகர்ணன் அசோக் இயக்கத்தில் கவின், ஆண்ட்ரியா நடித்துள்ள “மாஸ்க்” படத்தின் டிரைலர் வெளியீட்டு விழா நேற்று சென்னையில் கோலாகலமாக நடைபெற்றது. இயக்குனர் வெற்றிமாறனின் வழிகாட்டுதலில் உருவாகி இருக்கும் இப்படத்தை காண ரசிகர்கள் மிகுந்த ஆர்வத்தை காட்டி வருகின்றன.
இந்த நிலையில் நேற்றைய தினம் நடைபெற்ற மாஸ்க் திரைப்படத்தின் ட்ரெய்லர் வெளியீட்டு விழாவில் சிறப்பு விருந்தினராக கலந்து கொண்டு உரையாடிய நடிகர் விஜய் சேதுபதியின் நகைச்சுவையான பேச்சு தற்போது இணையதளம் முழுவதும் வைரலாகி வருகிறது. அதில் அவர், மாஸ் திரைப்படத்தின் கதாநாயகனான கவியின் வெள்ளித்திரை பயணத்தை பாராட்டியும் அவருக்கு சில அட்வைஸ் களையும் வழங்கி பேசினார். அவரைத் தொடர்ந்து நடிகை ஆண்ட்ரியாவை பற்றி பேசிய விஜய் சேதுபதி, நான் சின்ன வயதில் பீச்சில் ஒரு சிலையை பார்த்தேன் அதில் ஆண்ட்ரியாவை பார்த்தேன் என்று நகைச்சுவையுடன் கூறி நரசூஸ் காபி விளம்பரத்தில் நடித்த ஆண்ட்ரியா மாஸ்க் படம் வரை அப்படியே எப்படி அதே இளமையுடன் இருக்கிறார் என்றே தெரியவில்லை என்று ஆசிரியத்துடன் பேசினார். அதன் பின் ஆண்ட்ரியாவிடம் நீங்கள் வீட்டில் பிரிட்ஜில் உட்காருவீங்களா இல்லை பெட்டில் படுக்கிறீர்களா என்றே தெரியவில்லை என்றும் நாளைக்கு என் மகன் வந்து கூட ஆண்ட்ரியா எப்படி அப்படியே இருக்கிறார் என வியந்து பார்த்தாலும் ஆச்சர்யப்படுவதற்கு இல்லை எனக்கூறி நடிகை ஆண்ட்ரியாவை வெட்கத்துடன் சிரிக்க வைத்தார்.
அதன் பிறகு, மாஸ் திரைப்படத்திற்கு இசையமைத்திருக்கும் இசையமைப்பாளர் ஜிவி ஜிவி பிரகாஷ் குறித்து பேசிய விஜய் சேதுபதி, ஜி.வி. பிரகாஷ் என் படத்துக்கு வொர்க் பண்ணவே வரமாட்டேங்கிறார் என்றும் இப்படி மேடையில் கேட்டால்தான் சேர்ந்து பணியாற்றுவார் என்று நகைச்சுவையுடன் கூற அரங்கமே சிரிப்பலையில் மூழ்கியது.
Here are some very low offer rated web hosting providers to consider: Click Here
