பிக் பாஸ் 9 வது சீசனில் இருந்து கடந்த வாரம் வெளியேறிய துஷாரின் முதல் வீடியோ பதிவு வைரலாகி வருகிறது.
விஜய் தொலைக்காட்சியில் ஒளிபரப்பாகி வரும் பிரம்மாண்ட பொழுதுபோக்கு நிகழ்ச்சி பிக் பாஸ். இதுவரை 8 சீசன்கள் நிறைவடைந்ததை தொடர்ந்து தற்போது 9வது சீசன் நடைபெற்று வருகிறது. நடிகர் விஜய் சேதுபதி தொகுத்து வழங்கி வரும் இந்நிகழ்ச்சியில் கடந்த வாரம் நடைபெற்ற டபுள் எவிக்ஷனில் போட்டியாளர் துஷார் வெளியேற்றப்பட்டார். மக்கள் மத்தியில் அதிக எதிர்பார்ப்பு கொண்ட போட்டியாளரான துஷார் நிகழ்ச்சியில் இருந்து வெளியேறியது அனைவருக்கும் வருத்தத்தை தந்தது.
இந்நிலையில் இதுவரை 34 நாட்கள் பிக் பாஸ் வீட்டில் இருந்து வெளியேறிய துஷார் வருத்தத்துடன் தனது சமூக வலைதள பக்கத்தில் பகிர்ந்திருக்கும் முதல் வீடியோ தற்போது வைரலாகி வருகிறது. அதில் அவர்,
எனக்கு ரொம்ப சந்தோஷமாக இருக்கிறது. ஒரு சின்ன கவலை என்னவென்றால், நான் உள்ளே சென்ற விஷயம் பாதி பேருக்கு தெரியாது. அதனால் உங்களிடம் சொல்லிவிட்டு சென்றிருந்தால் நல்லா இருந்திருக்கும் என தோன்றியது. ஆனால் சில பல சூழ்நிலைகளால் உங்களிடம் சொல்ல முடியவில்லை. ஆனால் பரவாயில்லை என்னை மாதிரி ஒரு பையன் உள்ளே 5 வாரம் இருக்க வைத்து அழகு பார்த்து, ரசித்து. இதை விட சந்தோஷம் எனக்கு வாழ்க்கையில் வேறு எதுவும் இல்லை.
பிக் பாஸ் வீட்டில் இருந்த அனுபவம் ரோலர்கோஸ்டர் அனுபவம் மாதிரி தான் இருந்தது. முதல் மூன்று வாரங்கள் என்னால் கேமாக பார்க்க முடியவில்லை. எல்லோரும் ரொம்ப நெருக்கமாகிவிட்டார்கள். எல்லோரும் ஒரு குடும்பம் மாதிரி ஆகிவிட்டார்கள். அதனால் டிப்ளமாட்டிக்காக தான் என்னால் இருக்க முடிந்தது. சொல்வதற்கு எனக்குள் அவ்வளவு இருந்தது ஆனால் சொல்ல முடியவில்லை. என்ன பண்றது?. நம்பிட்டேன். ரொம்ப பாசத்தில் விழுந்துட்டேன். அது என் தப்பு தான் என்று கூறியிருக்கிறார். அந்த வீடியோ பதிவு தற்போது வைரலாகி வருகிறது.
Here are some very low offer rated web hosting providers to consider: Click Here
