திரையரங்குகளில் ஒரு வாரம் படம் ஓடுவதே சவாலான தற்காலச் சூழலில், விஷ்ணு விஷால் – ஐஸ்வர்யா லட்சுமி நடிப்பில் வெளியான ‘கட்டா குஸ்தி 2’ திரைப்படம் 50 நாட்களைக் கடந்து சாதனை படைத்துள்ளது. வேல்ஸ் ஃபிலிம் இன்டர்நேஷனல் மற்றும் விஷ்ணு விஷால் ஸ்டூடியோஸ் இணைந்து தயாரித்த இப்படத்தின் 50-வது நாள் வெற்றி விழா மற்றும் நன்றி அறிவிப்பு நிகழ்ச்சி சென்னையில் கோலாகலமாக நடைபெற்றது.
திரைக்கலைஞர்களுக்கு சீல்டு வழங்கி கௌரவிப்பு!
இயக்குநர் செல்லா அய்யாவு இயக்கத்தில் உருவான இப்படத்தின் வெற்றிக்காக உழைத்த நடிகர்கள், தொழில்நுட்பக் கலைஞர்கள் அனைவருக்கும் மேடையில் நினைவுப் பரிசுகளும் சீல்டுகளும் வழங்கிக் கௌரவிக்கப்பட்டது. இந்நிகழ்வில் மாண்புமிகு அமைச்சர் ராஜ்மோகன், பத்மஸ்ரீ பிரபுதேவா, நடிகை ரம்யா கிருஷ்ணன் ஆகியோர் சிறப்பு விருந்தினர்களாகக் கலந்துகொண்டனர்.
விழாவில் பேசிய முக்கிய பிரபலங்களின் கருத்துகள்:
- இயக்குநர் செல்லா அய்யாவு: “சென்ற ஆண்டு செப்டம்பர் 2-ல் பூஜை போட்டு, சரியாக ஒரு வருடத்திற்குள் 50 நாட்கள் ஓடிய வெற்றியைத் தொட்டிருப்பது நெகிழ்ச்சியாக உள்ளது. எனது உதவி இயக்குநர் காலத்தில் வாங்கிய சீல்டுக்கு அருகில் இந்த 50-வது நாள் சீல்டை வைப்பேன். விஷ்ணு விஷாலின் அசைக்க முடியாத நம்பிக்கையே இந்த வெற்றிக்குக் காரணம்.”
- தயாரிப்பாளர் ஐசரி கே. கணேஷ்: “இக்காலத்தில் 50 நாட்கள் திரையரங்குகளில் ஓடுவது மிகப்பெரிய சாதனை. முதல் பாகத்தை விடவும் இரண்டாம் பாகம் பிரம்மாண்ட வரவேற்பைப் பெற்றுள்ளது. பிரபுதேவா அவர்கள் வெளிநாட்டுப் பயணத்தை முடித்துவிட்டு உடனே இங்கு வந்திருப்பது எங்கள் நட்பின் வெளிப்பாடு.”
- நடிகர் விஷ்ணு விஷால்: “ரசிகர்கள்தான் ஒரு படத்தின் வெற்றியைத் தீர்மானிப்பவர்கள். 15 நிமிட கேமியோ என்றாலும் அன்போடு நடித்துக் கொடுத்த ரம்யா கிருஷ்ணன் மேடத்திற்கும், குழந்தை நட்சத்திரம் ஜாராவுக்கும் நன்றி. பிரபுதேவா மாஸ்டரைப் பார்த்து நடனம் ஆடியவன் நான். செல்லா அய்யாவுவுடன் இணைந்து விரைவில் ‘கட்டா குஸ்தி 3’ கொண்டு வருவோம்.”
- நடிகை ஐஸ்வர்யா லட்சுமி: “கீர்த்தி கதாபாத்திரம் மக்கள் மத்தியில் எனக்குக் கொடுத்த அன்பும் அடையாளமும் மறக்க முடியாதது. விஷ்ணு விஷால் ஒரு சிறந்த சக நடிகர் மட்டுமல்ல, அற்புதமான தயாரிப்பாளரும் கூட.”
- ரம்யா கிருஷ்ணன்: “நீண்ட நாட்களுக்குப் பிறகு ஒரு வெற்றி விழாவில் கலந்துகொள்கிறேன். ஐசரி சாருக்கு எப்போதும் ஒரு ‘மிடாஸ் டச்’ இருக்கிறது. ‘கட்டா குஸ்தி 3’-லும் சந்திப்போம்.”
- பிரபுதேவா: “விஷ்ணு விஷால் தனது ஒவ்வொரு படத்திற்கும் 200% உழைப்பைக் கொடுக்கிறார். ஒரு படத்தின் இரண்டாம் பாகத்தை எடுத்து அதை வெற்றிபெறச் செய்வது கடினம், அதை செல்லா அய்யாவு சாதித்துக் காட்டியுள்ளார்.”
- யோகி பாபு: “முன்பெல்லாம் நடந்தது போல 50-வது நாள் விழா நடத்தி கலைஞர்களைக் கௌரவிப்பது மகிழ்ச்சி அளிக்கிறது. மூன்றாம் பாகத்திற்கான லீடை க்ளைமாக்ஸில் இயக்குநர் வைத்ததற்கு நன்றி.”
திரையரங்குகளில் 50 நாட்களைக் கடந்ததோடு மட்டுமல்லாமல், ஓடிடி தளத்திலும் இப்படம் இந்திய அளவில் டாப் 10 வரிசையில் டிரெண்டாகி வருவது குறிப்பிடத்தக்கது.
Here are some very low offer rated web hosting providers to consider: Click Here
