விஜய் சேதுபதியின் 96 திரைப்படத்தின் மூலம் அனைவருக்கும் பரிச்சயமானவர் கௌரி கிஷன். அப்படத்தின் வரவேற்பை தொடர்ந்து பல படங்களில் வரிசையாக நடித்து வரும் இவர் தற்போது இயக்குனர் அபி ஹரிஹரன் இயக்கத்தில் உருவான “அதர்ஸ்” திரைப்படத்தில் நடித்திருக்கிறார். இன்று திரையரங்குகளில் வெளியாகி இருக்கும் இப்படத்திற்கான பிரமோஷன் நிகழ்ச்சி நேற்றைய தினம் நடைபெற்றது. அப்போது நடிகை கௌரி கிஷனிடம் அவரது உடல் எடை குறித்து பத்திரிக்கையாளர் எழுப்பிய கேள்வி பெரும் சர்ச்சையை கிளப்பியது.
இந்த சம்பவம் குறித்து பலரும் கௌரி கிஷனுக்கு ஆதரவாக தங்களது கருத்துக்களை பதிவிட்டு வருகின்றனர். அந்த வகையில் நடிகை குஷ்பு தனது எக்ஸ் தல பக்கத்தில் ஆவேசத்துடன் பத்திரிக்கையாளர்கள் குறித்து பதிவிட்டுள்ள பதிவு தற்போது வைரலாகி வருகிறது. அப்பதிவில் அவர், “பத்திரிக்கை துறை தனது தரத்தை இழந்துவிட்டது. பத்திரிகைத்துறை தனது தரத்தை இழந்துவிட்டது. பத்திரிகையாளர்கள் என்று அழைக்கப்படுபவர்கள் பத்திரிகைத்துறையை சாக்கடைக்கு எடுத்துச் செல்கிறார்கள். ஒரு பெண்ணின் எடை எவ்வளவு என்பது அவர்களின் வேலை இல்லை. அதைப் பற்றி ஹீரோவிடம் கேட்பது?? என்ன ஒரு அவமானம்! தனது நிலைப்பாட்டில் நின்று அதற்குப் பதிலடி கொடுத்த இளம் கௌரிசங்கருக்கு பாராட்டுகள். அதே ஆண்கள், பெண்கள், நடிகர்கள், தங்கள் குடும்பங்களில் உள்ள பெண்களைப் பற்றி அதே கேள்வியைக் கேட்டால் சரியா? மரியாதை ஒருபோதும் ஒரு வழி போக்குவரத்து அல்ல. மதிக்கப்பட வேண்டும் என்று நீங்கள் எதிர்பார்த்தால் மரியாதை கொடுக்க கற்றுக்கொள்ளுங்கள்” என்று தெரிவித்திருக்கிறார்.
Here are some very low offer rated web hosting providers to consider: Click Here
