காளிதாஸ்’ (2019) படத்தின் மாபெரும் வெற்றியைத் தொடர்ந்து, இங்கிரெடிபிள் புரொடக்ஷன்ஸ் (Incredible Productions) தயாரிப்பில் உருவாகியுள்ள அடுத்த அதிரடிப் படைப்பு ‘கேம் பிளே’ (Game Play). இப்படத்தின் மிரட்டலான ஃபர்ஸ்ட் லுக் போஸ்டரை முன்னணி இயக்குநர் கார்த்திக் சுப்புராஜ் இன்று வெளியிட்டுள்ளார்.
திரைக்கதை தான் ஹீரோ!
‘நாளைய இயக்குனர்’ (சீசன் 1–4) நிகழ்ச்சியை இயக்கி புகழ்பெற்ற சிவநேசன், இப்படத்தின் மூலம் இயக்குநராக அறிமுகமாகிறார். “திரைக்கதை தான் படத்தின் உண்மையான ஹீரோ” என்ற அடிப்படையில், ஒரு வித்தியாசமான சஸ்பென்ஸ் இன்வெஸ்டிகேஷன் த்ரில்லராக இந்தப் படத்தை அவர் செதுக்கியுள்ளார்.
பைனான்ஸியல் க்ரைம் & சஸ்பென்ஸ்!
இப்படம் ஒரு ‘பைனான்ஸியல் க்ரைம்’ (Financial Crime) பின்னணியில் உருவாகிறது. “Exit is an Illusion” (வெளியேறுவது ஒரு மாயை) என்ற டேக் லைனுடன் வெளியான போஸ்டரில் கண்ணாடி சிதறல்களுக்கு நடுவே கதாபாத்திரங்களின் உணர்வுகள் தத்ரூபமாக காட்டப்பட்டுள்ளது. இது ரசிகர்களிடையே படத்தின் மீதான ஆர்வத்தை எகிற வைத்துள்ளது.
நட்சத்திர பட்டாளம் மற்றும் தொழில்நுட்பக் கலைஞர்கள்:
- நடிகர்கள்: கிஷோர், ‘ஹார்ட்பீட்’ புகழ் சாருகேஷ், ஷாலி நிவேகாஸ், வினோத் கிஷான் மற்றும் சார்லி.
- இசை: விஷால் சந்திரசேகர் (மிரட்டலான பிஜிஎம்-க்கு கேரண்டி!).
- ஒளிப்பதிவு: சுரேஷ் பாலா.
- எடிட்டிங்: புவன் சீனிவாசன்.
இப்படத்தின் படப்பிடிப்பு முழுமையாக நிறைவடைந்து, தற்போது இறுதிக்கட்ட பணிகள் (Post-production) விறுவிறுப்பாக நடைபெற்று வருகின்றன. விரைவில் டீசர் மற்றும் டிரெய்லர் அப்டேட்கள் கோலிஃப்ளிக்ஸ் (KollyFlix) தளத்தில் வெளியாகும்!
Here are some very low offer rated web hosting providers to consider: Click Here
