நான் வயலன்ஸ் என்னும் படத்தின் ஃபர்ஸ்ட் சிங்கிள் பாடலான ‘ கனகா’ பாடல் வெளியாகியுள்ளது.
தென்னிந்திய திரையுலகில் பிரபல முன்னணி நடிகையாக திகழ்ந்து கொண்டிருப்பவர் ஸ்ரேயா சரண். எனக்கு 20 உனக்கு 18 படத்தின் மூலம் தமிழ் ரசிகர்கள் அனைவருக்கும் பரிச்சயமான இவர் பல முன்னணி நட்சத்திரங்களின் முக்கியமான திரைப்படங்களில் கதாநாயகியாக நடித்திருக்கிறார். டான்சிங் குயின் என்று ரசிகர்களால் கொண்டாடப்பட்டு வரும் நடிகை ஸ்ரேயா தமிழ் மட்டுமின்றி தெலுங்கு, ஹிந்தி என பிற மொழி படங்களிலும் நடித்து அனைத்து மொழி ரசிகர்களுக்கும் பரிச்சயமான முன்னணி நடிகையாக திகழ்ந்து கொண்டிருக்கிறார். திருமணத்திற்கு பின் நடிப்பதை தவிர்த்து வந்த நடிகை ஸ்ரேயா தற்போது குறிப்பிட்ட படங்களை மட்டும் தேர்ந்தெடுத்து நடித்து வருகிறார்.
அதேபோல் வெப் தொடர்களிலும் கவனம் செலுத்தி வரும் ஸ்ரேயா சூர்யாவின் ரெட்ரோ திரைப்படத்தை தொடர்ந்து “நான் வயலன்ஸ்” என்ற திரைப்படத்தில் இடம்பெற்றுள்ள செலிப்ரேஷன் பாடல் ஒன்றனுக்கு நடனமாடியுள்ளார். மெட்ரோ கோடியில் ஒருவன் படங்களை இயக்கிய ஆனந்த் கிருஷ்ணன் இயக்கத்தில் பாபி சிம்ஹா, மெட்ரோ ஸ்ரிஷ், யோகி பாபு, அதிதி பாலன் ஆகியோர் நடிப்பில் உருவாகி வரும் இந்த படத்திற்கு யுவன் சங்கர் ராஜா இசையமைத்துள்ளார். ஏகே பிக்சர்ஸ் தயாரிப்பில் உருவாகி வரும் இப்படத்தில் இடம்பெற்று இருக்கும் “கனகா” என்னும் செலிபிரேஷன் பாடல் ஒன்றனுக்கு நடிகை ஸ்ரேயா கிளாமரான ஆடையில் நடனம் ஆடியுள்ளார். அதன் போஸ்டர்கள் இணையத்தில் வெளியாகி வைரலானதை தொடர்ந்து இன்று அப்பாடலின் லிரிக்ஸ் வீடியோ இணையத்தில் வெளியாகியுள்ளது. யுவன் இசையில் ஸ்ரேயாவின் ஆட்டத்தில் உருவாகி இருக்கும் இப்பாடலை கேட்டு ரசிகர்கள் வைப் செய்து வருகின்றனர்.
Here are some very low offer rated web hosting providers to consider: Click Here
