விஜய்யின் மகனான ஜேசன் சஞ்சய் இயக்கும் முதல் படத்தின் அப்டேட்டை தயாரிப்பு நிறுவனம் வெளியிட்டுள்ளது.
தமிழ் சினிமாவில் உச்ச நட்சத்திரமாக திகழ்பவர் நடிகர் விஜய். தனக்கென மிகப் பெரிய ரசிகர் பட்டாளத்தை கொண்டுள்ள இவர் தற்போது எச்.வினோத் இயக்கத்தில் உருவாகி வரும் “ஜனநாயகன்” திரைப்படத்தில் நடித்திருக்கிறார். தற்போது அரசியலில் களம் இறங்கி இருக்கும் விஜயின் கடைசி படமாக இப்படம் இருப்பதால் படம் மீதுள்ள எதிர்பார்ப்பு அனைவரது மத்தியிலும் உயர்ந்துள்ளது.
பல முன்னணி நட்சத்திரங்கள் இணைந்து நடித்திருக்கும் இப்படம் வரும் பொங்கலை முன்னிட்டு அடுத்த ஆண்டு ஜனவரி மாதம் 9 ஆம் திரையரங்குகளில் வெளியாக உள்ளது. அனிருத் இசை அமைப்பில் உருவாகியுள்ள இப்படத்தின் முதல் சிங்கிள் பாடலான தளபதி கச்சேரி என்னும் பாடல் நேற்றைய தினம் வெளியாகி பட்டி தொட்டி எங்கும் பரவி தற்போது இணையதளத்தை தெறிக்கவிட்டு வருகிறது.
இது ஒரு புறம் இருக்க தற்போது விஜயின் மகனான ஜேசன் சஞ்சய் இயக்கும் முதல் படத்தின் அப்டேட் வெளியாகி ரசிகர்களை உற்சாகப்படுத்தி வருகிறது. அதாவது ஜேசன் சஞ்சய் இயக்கத்தில் சந்தீப் கிஷன் கதாநாயகனாக நடித்து வரும் இப்படத்தை லைக்கா மற்றும் ஜேஎஸ்ஜே மீடியா நிறுவனம் இணைந்து தயாரித்து வருகிறது. இப்படத்திற்கு பிரபல முன்னணி இசையமைப்பாளர் தமன் இசையமைக்க உள்ளார். ஆக்சன் திரைப்படமாக உருவாகி வரும் இப்படத்தின் படப்பிடிப்பு சில மாதங்களுக்கு முன்பு துவங்கப்பட்டு தற்போது விறுவிறுப்பாக நடைபெற்று வருகிறது.
இந்த நிலையில் இப்படத்தின் தலைப்பு நாளை காலை 10 மணிக்கு வெளியாக இருப்பதாக மிரட்டலான போஸ்டருடன் படத்தின் தயாரிப்பு நிறுவனம் அதிகாரபூர்வமான தகவலை சமூக வலைத்தளத்தில் பகிர்ந்துள்ளது. அதற்கு ரசிகர்கள் நேற்று தளபதி நாளை இளைய தளபதியா என்றவாறு கமெண்ட் செய்து படத்தின் தலைப்புக்காக ஆர்வம் காட்டி வருகின்றனர்.
Here are some very low offer rated web hosting providers to consider: Click Here
