நான் வயலன்ஸ் என்னும் படத்தில் “கனகா” என்னும் குத்து பாடலுக்கு நடிகை ஸ்ரேயா நடனம் ஆடியுள்ளார்.
தென்னிந்திய திரை உலகில் பிரபல முன்னணி நடிகையாக திகழ்ந்து கொண்டிருப்பவர் ஸ்ரேயா சரண். எனக்கு 20 உனக்கு 18 படத்தின் மூலம் தமிழ் சினிமாவில் அறிமுகமானார். அதன் பின் விஜயுடன் அழகிய தமிழ் மகன், ரஜினியுடன் சிவாஜி, தனுஷ் உடன் குட்டி, விக்ரமுடன் கந்தசாமி என பல முன்னணி நட்சத்திரங்களுடன் இணைந்து நடித்து ரசிகர்கள் மனதில் நீங்கா இடம் பிடித்த இவர் தமிழ் மட்டுமின்றி தெலுங்கு மற்றும் ஹிந்தி என பல்வேறு மொழிகளில் நடித்து பிரபல தென்னிந்திய நடிகை ஆனார். கடந்த 2018 ஆம் ஆண்டு Andrei Koscheev என்பவரை காதலித்து திருமணம் செய்து கொண்ட நடிகை ஸ்ரேயாவுக்கு அழகிய பெண் குழந்தை ஒன்று உள்ளது. திருமணத்திற்கு பின் நடிப்பதை தவிர்த்து வந்த நடிகை ஸ்ரேயா தற்போது சில திரைப்படங்களை மட்டுமே தேர்ந்தெடுத்து நடித்து வருகிறார். அதேபோல் வெப் தொடர்களில் கவனம் செலுத்தி வரும் இவர் இந்த ஆண்டு சூர்யா நடிப்பில் வெளியான ரெட்ரோ படத்தில் ஒரே ஒரு பாடலுக்கு மட்டும் நடனமாடி இருந்தார்.
அதனைத் தொடர்ந்து நடிகை ஸ்ரேயா மெட்ரோ, கோடியில் ஒருவன் படங்களை இயக்கிய ஆனந்த கிருஷ்ணன் இயக்கத்தில் யுவன் சங்கர் ராஜா இசையில் உருவாகி வரும் “நான் வயலன்ஸ்”என்ற திரைப்படத்தில் “கனகா” என்னும் ஒரு ஸ்பெஷலான குத்து பாடலுக்கு நடனமாடியுள்ளார். ஏகே பிக்சர்ஸ் தயாரிக்கும் இந்தப் படத்தில் பாபி சிம்ஹா, மெட்ரோ ஸ்ரிஷ், யோகி பாபு, அதிதி பாலன் ஆகியோர் முக்கிய கதாபாத்திரங்களில் நடித்திருக்கும் இப்படத்தின் முதல் சிங்கிள் பாடலாக இந்த “கனகா” பாடல் நாளை காலை 11:00 மணிக்கு வெளியாக இருப்பதாக படக்குழு அறிவித்துள்ளது. தமிழில் “கனகா”, தெலுங்கில் “கணக்கம்”, ஹிந்தியில் “சுந்தரா” என மூன்று மொழிகளிலும் வெளியாக இருக்கும் இப்பாடல் குறித்த போஸ்டர்கள் தற்போது ரசிகர்களின் கவனத்தை ஈர்த்து இணையத்தில் ட்ரெண்டிங்காகி வருகிறது. புஷ்பா படம் மூலம் சமந்தாவும், ஜெயிலர் படத்தின் மூலம் தமன்னாவும் ஸ்பெஷல் பாடலுக்கு நடனமாடி புகழ்பெற்றனர். அதேபோல் ஸ்ரேயா சரணம் கனகா என்னும் இந்த பாடல் மூலம் பிரபலமாவார் என்று ரசிகர்கள் மத்தியில் எதிர்பார்ப்பு அதிகரித்துள்ளது.
Here are some very low offer rated web hosting providers to consider: Click Here
