தமிழ் திரையுலகின் முன்னணி நட்சத்திரமான தனுஷ் தனது 56-வது திரைப்படமான ‘D56’ பணிகளை முறைப்படி தொடங்கியுள்ளார். பிளாக்பஸ்டர் வெற்றி பெற்ற ‘லப்பர் பந்து’ திரைப்படத்தின் மூலம் அனைவரது கவனத்தையும் ஈர்த்த இயக்குநர் தமிழரசன் பச்சமுத்து இப்படத்தை இயக்குகிறார். சிவகங்கை மாவட்டம், மதுரை அருகிலுள்ள புகழ்பெற்ற மாரநாடு கருப்பணசாமி கோவிலில் பொதுமக்களுக்குப் பிரம்மாண்ட கிடா விருந்து அளிக்கப்பட்டு, மாநாடு போல் திரண்ட மக்கள் வெள்ளத்தில் இதன் படப்பிடிப்பு பூஜையுடன் தொடங்கியது.
இடைவெளிக்கு பின் தனுஷுடன் இணைந்தது ஏன்? – வைகைப்புயல் வடிவேலு பேச்சு:
பூஜை விழாவில் கலந்துகொண்டு பேசிய நடிகர் வடிவேலு:
“மாரநாடு கருப்பணசாமி கோவில் மிகவும் விசேஷமானது. தனுஷ் சாரின் படப் பூஜை இவ்வளவு பெரிய திருவிழா போல, மாநாடு போல நடப்பது பெருமகிழ்ச்சி அளிக்கிறது.
நீண்ட இடைவெளிக்குப் பிறகு தனுஷுடன் இணைகிறேன். சினிமாவில் சில விஷயங்கள் சரியான நேரத்தில் அமைய வேண்டும்; இப்போது அது கைகூடியுள்ளது. எந்த அரசியல் தாக்கமும் இல்லாத, ஒரு தனித்துவமான மண் சார்ந்த கதையாக இது இருக்கும். நிச்சயம் இது மிகப்பெரிய வெற்றியைப் பெறும்.”
“சென்னையை விட்டு இங்கு பூஜை போடக் காரணம்!” – எஸ்.ஜே.சூர்யா நெகிழ்ச்சி:
விழாவில் பேசிய எஸ்.ஜே.சூர்யா:
“வழக்கமாகப் படங்களின் பூஜையை சென்னையில் ஏசி அரங்கில் நடத்துவார்கள். ஆனால் மக்களின் அன்போடும், கருப்பசாமியின் அருளோடும் மண்ணின் கதையை இங்கேயே தொடங்க வேண்டும் என நினைத்த தனுஷ் சாருக்கும் இயக்குநருக்கும் நன்றி. எழுத்தின் மூலம் உணர்வுகளைக் கடத்தும் தமிழரசன் பச்சமுத்து ஒரு சிறப்பான கூட்டணியை அமைத்துள்ளார்.”
“வயிறார சாப்பிட்டுப் போங்க!” – தனுஷ் சுருக்கமான உரை:
நிகழ்வில் பேசிய நாயகன் தனுஷ்:
“பின்னால் இருக்கும் சாமியையும், முன்னால் இருக்கும் உங்களையும் நம்பித்தான் இந்த பூஜை நடக்கிறது. இன்று அதிகம் பேச விரும்பவில்லை. கடா விருந்தில் அனைவரும் வயிறார சாப்பிட்டு பத்திரமாக ஊர் திரும்ப வேண்டும். விரைவில் எனது அடுத்த படத்தின் ஆடியோ வெளியீட்டு விழாவில் விரிவாகப் பேசுகிறேன்.”
நட்சத்திரக் கூட்டணி & தயாரிப்பு விவரங்கள்:
- முக்கிய நடிகர்கள்: தனுஷ், எஸ்.ஜே. சூர்யா, வைகைப்புயல் வடிவேலு, ப்ரீத்தி முகுந்தன் மற்றும் ‘உறியடி’ விஜய்குமார்.
- இசை: இளம் தலைமுறையின் டிரெண்டிங் இசையமைப்பாளர் சாய் அபயங்கர் முதன்முறையாக தனுஷ் படத்திற்கு இசையமைக்கிறார்.
- தயாரிப்பாளர்கள்: நாக வம்சி (Sithara Entertainments), ஹரிதா லிங்கசாமி (Primark Productions) மற்றும் சாய் சௌஜன்யா (Srikara Studios).
படத்தின் அதிகாரப்பூர்வ தலைப்பு இன்னும் சில நாட்களில் பிரம்மாண்டமாக அறிவிக்கப்பட உள்ளது
Here are some very low offer rated web hosting providers to consider: Click Here
