தெலுங்கு திரையுலகின் முன்னணி நட்சத்திரமான ‘நேச்சுரல் ஸ்டார்’ நனி, ‘தசரா’ இயக்குநரான ஸ்ரீகாந்த் ஓதலாவுடன் மீண்டும் இணைந்துள்ள திரைப்படம் ‘தி பேரடைஸ்’ பான்-வேர்ல்ட் படமாக உருவாகியுள்ள இப்படத்தின் பத்திரிகையாளர் சந்திப்பு சென்னையில் நடைபெற்றது.
படம் குறித்த பல வதந்திகளுக்கு முற்றுப்புள்ளி வைத்து, பல புதிய தகவல்களைப் படக்குழுவினர் இந்த விழாவில் பகிர்ந்து கொண்டனர்.
சென்னையில் நடைபெற்ற இந்த விழாவில் பேசிய நடிகர் நனி, “எனது 18 வருட திரைப்பயணத்தில் உடல் ரீதியாகவும், மன ரீதியாகவும் என்னை மிகவும் சோர்வடையச் செய்த, மிகக் கடினமான படம் ”தி பேரடைஸ் தான்” என்று உணர்வுப்பூர்வமாகக் குறிப்பிட்டார்.
மேலும், இணையத்தில் பரவிய வதந்திகள் குறித்து விளக்கம் அளித்த அவர், “இந்த படத்தில் ஆயிரக்கணக்கானோர் மோதும் சண்டைக் காட்சியோ, அல்லது நீருக்கடியில் நடக்கும் சண்டைக் காட்சியோ (Underwater sequence) கிடையாது. ஆனால், அதிரடியான ஆக்ஷன் காட்சிகள் ரசிகர்களுக்குப் புதுவித தியேட்டர் அனுபவத்தைக் கொடுக்கும்” என்றார்.
கதைக்களம் என்ன? ஓதலா உடைத்த ரகசியம்!
இயக்குநர் ஸ்ரீகாந்த் ஓதலா பேசுகையில், “இது ஒரு எமோஷனலான படம். தாய்க்கும் மகனுக்கும் இடையிலான உறவைச் சொல்லும் அதே வேளையில், அடிப்படை உரிமைகள் மறுக்கப்பட்ட ஒரு பழங்குடி சமூகத்தின் (Tribal Community) போராட்டத்தைப் பேசுகிறது. நாட்டுக்காகப் போராடியவர்களுக்குச் சொந்த மண்ணிலேயே இடமில்லாமல் போனால் அவர்கள் எப்படி வெகுண்டெழுவார்கள் என்பதே இந்த படத்தின் மையக்கரு” என்று தெரிவித்தார்.
மேலும் கவிஞர் காளோஜியின் “பிறப்பு நம்மதே, இறப்பு நம்மதே, ஆனால் வாழ்நாள் முழுவதும் நாட்டுக்கே” என்ற வரியே இந்த கதையின் அடிநாதம் என்றும் கூறினார்.
‘A’ சான்றிதழ் & வழக்கமான ட்ரெய்லர் கிடையாது!
ரத்தம் தெறிக்கும் ஆக்ஷன் மற்றும் அழுத்தமான வசனங்கள் இருப்பதால், இப்படம் சென்சார் போர்டில் (CBFC) ‘A’ சான்றிதழ் பெற்றுள்ளது. படத்தின் மொத்த நீளம் 2 மணி நேரம் 49 நிமிடங்கள் (169 நிமிடங்கள்). ஆச்சரியப்படும் விதமாக, படத்தின் வழக்கமான ட்ரெய்லர் எதுவும் வெளியாகாது என்றும் படக்குழு அதிரடியாக அறிவித்துள்ளது.
நட்சத்திரப் பட்டாளம் மற்றும் தொழில்நுட்பக் குழு!
- இசை: ‘ராக்ஸ்டார்’ அனிருத் ரவிச்சந்தர்
- கதாநாயகி: கயாது லோகர் (Kayadu Lohar)
- வில்லன்: பாலிவுட் நடிகர் ராகவ் ஜுயல் (Raghav Juyal)
- முக்கிய நடிகர்கள்: மோகன் பாபு, சம்பூர்ணேஷ் பாபு
- சண்டைப்பயிற்சி: ராம் – லக்ஷ்மண் மாஸ்டர்ஸ்
தமிழ், தெலுங்கு, இந்தி, கன்னடம், மலையாளம், பெங்காலி, ஆங்கிலம் மற்றும் ஸ்பானிஷ் எனப் பல மொழிகளில் வரும் செப்டம்பர் 24 அன்று தியேட்டர்களில் ரிலீசாகத் தயாராக உள்ளது ”.தி பேரடைஸ்
Here are some very low offer rated web hosting providers to consider: Click Here
