மாநில விருதுகள்: ரவுடி பிக்சர்ஸ் விக்னேஷ் சிவன் & நயன்தாரா வெளியிட்ட நெகிழ்ச்சி அறிக்கை!

கூழாங்கல்’ முதல் ‘நெற்றிக்கண்’ வரை… மாநில விருதுகளை அள்ளிக்குவித்த ரவுடி பிக்சர்ஸ்: விக்கி – நயன் நெகிழ்ச்சி!

தரமான படங்களைத் தயாரிப்பதையும், புதிய திறமைகளை ஊக்குவிப்பதையும் நோக்கமாகக் கொண்டு செயல்படும் விக்னேஷ் சிவன் மற்றும் நயன்தாராவின் ‘ரவுடி பிக்சர்ஸ்’ (Rowdy Pictures), சமீபத்தில் அறிவிக்கப்பட்ட தமிழ்நாடு மாநில திரைப்பட விருதுகளில் முத்திரை பதித்துள்ளது.

இதற்காகத் தமிழக முதலமைச்சர் மற்றும் தேர்வுக் குழுவினருக்கு நன்றி தெரிவித்து அந்நிறுவனம் அறிக்கை ஒன்றை வெளியிட்டுள்ளது.

கூழாங்கல் (Pebbles) – சிறந்த படம் (2020) விமர்சகர்களின் ஏகோபித்த பாராட்டுகளைப் பெற்ற ‘கூழாங்கல்’ திரைப்படம், 2020-ஆம் ஆண்டிற்கான சிறந்த திரைப்படத்திற்கான விருதை வென்றுள்ளது.

• அதே ஆண்டில் இப்படத்தில் நடித்த செல்லபாண்டி, சிறந்த குழந்தை நட்சத்திரத்திற்கான விருதைப் பெற்றுள்ளார்.
• எந்த இடத்திலும் சமரசம் செய்து கொள்ளாமல், உணர்வுப்பூர்வமாக இப்படத்தை இயக்கிய இயக்குநர் பி.எஸ். வினோத்ராஜ் அவர்களை ரவுடி பிக்சர்ஸ் பாராட்டியுள்ளது.

நெற்றிக்கண் – சிறந்த படம் (பெண்கள் முன்னேற்றம்) 2021-ஆம் ஆண்டு வெளியான ‘நெற்றிக்கண்’ திரைப்படம், பெண்கள் முன்னேற்றத்தை மையமாகக் கொண்டு சமூகத்திற்கு வலுவான கருத்துகளை எடுத்துரைத்ததற்காக சிறந்த திரைப்படத்திற்கான (Special Category) விருதைப் பெற்றுள்ளது. இதற்காக இயக்குநர் மிலிந்த் ராவ் அவர்களுக்குத் தயாரிப்பு நிறுவனம் நன்றி தெரிவித்துள்ளது.

அறம் – நயன்தாரா (சிறந்த நடிகை 2017) சமூக நெறிமுறை கருத்துகளை ஆழமாகப் பேசிய ‘அறம்’ படத்தில் நடித்ததற்காக, லேடி சூப்பர்ஸ்டார் நயன்தாராவிற்கு 2017-ஆம் ஆண்டிற்கான சிறந்த நடிகை விருது வழங்கப்பட்டுள்ளது.

• இது குறித்து ரவுடி பிக்சர்ஸ் கூறுகையில், “இது எங்களுக்குப் பெருமையான விஷயம். இப்படத்தை இயக்கிய கோபி நயினார் அவர்களுக்கும், தயாரித்த KJR ஸ்டுடியோஸ் நிறுவனத்திற்கும் நன்றிகள்,” என்று குறிப்பிட்டுள்ளனர்.

விக்னேஷ் சிவன் – நயன்தாரா அறிக்கை இது குறித்து விக்னேஷ் சிவன் மற்றும் நயன்தாரா இணைந்து வெளியிட்டுள்ள அறிக்கையில்:

“சமூகப் பொறுப்புணர்வோடு கூடிய படங்களைத் தொடர்ந்து தயாரிக்கவும், புதிய திறமையாளர்களுக்கான தளமாகவும் தொடர்ந்து இயங்க, இந்த அங்கீகாரம் எங்களுக்குப் பெரும் ஊக்கமாக அமைந்துள்ளது.”

என்று மகிழ்ச்சியுடன் தெரிவித்துள்ளனர்.

Here are some very low offer rated web hosting providers to consider: Click Here