உலகளவில் முதலிடம்! 24 நாடுகளில் டிரெண்டிங்காகும் பிரியங்கா மோகனின் ‘மேட் இன் கொரியா’!

தமிழ் சினிமாவின் பெருமை இப்போது உலக அரங்கில்! இயக்குநர் கார்த்திக் இயக்கத்தில், பரியங்கா மோகன் நடிப்பில் வெளியான ‘மேட் இன் கொரியா’ (Made in Korea) திரைப்படம், நெட்ஃபிலிக்ஸ் தளத்தில் ஆங்கிலம் அல்லாத படங்களின் பட்டியலில் உலகளவில் முதலிடம் பிடித்து சாதனை படைத்துள்ளது. 24 நாடுகளில் டிரெண்டிங்கில் உள்ள இப்படம், தமிழ்நாட்டிலிருந்து சியோல் வரை செல்லும் ஒரு உணர்வுப்பூர்வமான பயணத்தை அழகாகக் காட்சிப்படுத்தியுள்ளது.

தென்னிந்திய சினிமாவின் புதிய சாதனை

மார்ச் 12 அன்று வெளியான இந்தப் படம், நெட்ஃபிலிக்ஸ் ஒரிஜினல் மற்றும் உரிமம் பெற்ற படங்கள் என இரண்டிலும் முதலிடத்தைப் பிடித்த ஒரே தென்னிந்தியத் திரைப்படம் என்ற பெருமையைப் பெற்றுள்ளது. ‘செண்பா’ என்ற கதாபாத்திரத்தில் பிரியங்கா மோகனின் எதார்த்தமான நடிப்பு ரசிகர்களை வெகுவாகக் கவர்ந்துள்ளது.

நெட்ஃபிலிக்ஸ் இந்தியா அதிகாரி மோனிகா ஷெர்கில் கூறுகையில்:

“தென்னிந்தியத் திரைப்படப் பட்டியலில் இருந்து ஒரு கதை உலகளவில் முதலிடம் பிடித்திருப்பது எங்களுக்குப் பெருமை அளிக்கிறது. இது உள்ளூர் கதைகளுக்கு இருக்கும் உலகளாவிய வரவேற்பை உறுதிப்படுத்துகிறது.”

மகிழ்ச்சியில் படக்குழு

இதுகுறித்து பிரியங்கா மோகன் கூறுகையில், “செண்பா கதாபாத்திரம் எனக்கு மிகவும் நெருக்கமானது. கார்த்திக் சார் இந்தக் கதையை மிகத் தெளிவாகக் கொண்டு சென்றுள்ளார்,” என்றார். இயக்குநர் கார்த்திக் மற்றும் தயாரிப்பாளர் ஸ்ரீநிதி சாகர் ஆகியோரும் ரசிகர்களின் இந்த உற்சாகமான வரவேற்பிற்குத் தங்கள் நன்றிகளைத் தெரிவித்துள்ளனர்.

Here are some very low offer rated web hosting providers to consider: Click Here