இந்திய சினிமாவே எதிர்பார்த்த மெகா காம்போ! உலகநாயகன் தயாரிப்பில் சூப்பர் ஸ்டார் நடிக்கும் ‘தர்மன்’ – முழு விவரம்!

இந்திய சினிமாவின் இருபெரும் இமயங்களான உலகநாயகன் கமல்ஹாசன் மற்றும் சூப்பர் ஸ்டார் ரஜினிகாந்த் இணையும் அந்த பிரம்மாண்ட நிகழ்வு அதிகாரப்பூர்வமாக அரங்கேறியுள்ளது. ராஜ்கமல் ஃபிலிம்ஸ் இன்டர்நேஷனல் (RKFI) தயாரிப்பில் ரஜினிகாந்த் நடிக்கும் புதிய படத்திற்கு “தர்மன்” என அதிரடியாகத் தலைப்பிடப்பட்டுள்ளது.

படத்தின் ஃபர்ஸ்ட் லுக் போஸ்டர் வெளியீடு மற்றும் முதற்கட்ட படப்பிடிப்புக்கான தொடக்க விழா இன்று (ஜூன் 24) சென்னையில் மிகக் கோலாகலமாக நடைபெற்றது.

46 ஆண்டு கால ராஜ்கமல் வரலாற்றில் முதல்முறை!

கமல்ஹாசன் மற்றும் ரஜினிகாந்த் ஆகிய இருவருமே கடந்த அரை நூற்றாண்டுக்கும் மேலாக இந்திய சினிமாவைத் தங்கள் தோள்களில் சுமந்து வருபவர்கள். இவர்கள் இருவருக்கும் இடையேயான 50 கால நட்பு திரையுலகமே வியந்து பார்க்கும் ஒன்று.

தரமான திரைப்படங்களைத் தயாரிப்பதில் 46 ஆண்டுகளாக எவ்வித சமரசமும் இன்றி செயல்பட்டு வரும் ராஜ்கமல் பிலிம்ஸ் நிறுவனம், முதன்முறையாகச் சூப்பர் ஸ்டார் ரஜினிகாந்தை வைத்து ஒரு படத்தைத் தயாரிப்பது இதுவே முதல்முறையாகும்.

இளமைப் பட்டாளத்துடன் இணைந்த சூப்பர் ஸ்டார்!

‘ஓ மை கடவுளே’, ‘டிராகன்’ போன்ற பிளாக்பஸ்டர் படங்களை இயக்கி, 2K கிட்ஸ் மற்றும் ஜென் Z தலைமுறையினரின் பேவரைட் இயக்குநராக வலம் வரும் அஸ்வத் மாரிமுத்து இந்த ‘தர்மன்’ படத்தை இயக்குகிறார். சூப்பர் ஸ்டாருக்கு வெறித்தனமாகப் பின்னணி இசையமைக்கும் ‘ராக்ஸ்டார்’ அனிருத் ரவிச்சந்தர் இப்படத்திற்கு இசையமைக்கிறார்.

மிரட்டலான காஸ்டிங்! சிம்ரன் டு ராஷி கன்னா

இப்படத்தில் சூப்பர் ஸ்டாருக்கு இணையாகத் தென்னிந்திய சினிமாவின் எவர்க்ரீன் நாயகியான சிம்ரன் நடிக்கிறார். மேலும், தமிழ், தெலுங்கு, ஹிந்தி எனப் பல மொழிகளில் கலக்கி வரும் முன்னணி நடிகை ராஷி கன்னா ஒரு முக்கிய கதாபாத்திரத்தில் நடிக்கவுள்ளார்.

பிரம்மாண்ட தொடக்க விழா!

சென்னை நடைபெற்ற இப்படத்தின் பிரம்மாண்ட பூஜையில் திரையுலகின் டாப் பிரபலங்களான தயாரிப்பாளர் கலைப்புலி எஸ். தாணு, அன்புச்செழியன், ஆர்.கே. செல்வமணி, லிங்குசாமி மற்றும் முன்னணி கார்ப்பரேட் நிறுவனங்களின் (Sun Network, JIO Star, Saregama) தலைவர்கள் பலரும் கலந்துகொண்டு சிறப்பித்தனர்.

படத்தின் தொழில்நுட்பக் குழு விவரம்:

• தயாரிப்பு: கமல்ஹாசன் மற்றும் ஆர். மகேந்திரன் (Raj Kamal Films International).
• இணை தயாரிப்பு: டிஸ்னி (Disney)
• இயக்கம்: அஸ்வத் மாரிமுத்து
• இசை: அனிருத் ரவிச்சந்தர்
• சண்டைப்பயிற்சி: அன்பரிவ் (National Award Winners)
• ஒளிப்பதிவு: நிகேத் பொம்மிரெட்டி
• படத்தொகுப்பு: பிரதீப் ஈ. ராகவ்
• தயாரிப்பு வடிவமைப்பு: கார்த்திக் ராஜ்குமார்
• கலை இயக்கம்: அண்ணாதுரை

‘தர்மன்’ படத்தின் படப்பிடிப்பு இன்று முதல் முழுவீச்சில் நடைபெறவுள்ளது. சூப்பர் ஸ்டாரின் இந்த புதிய அவதாரம் பாக்ஸ் ஆபீஸில் பல புதிய சாதனைகளைப் படைக்கும் என எதிர்பார்க்கப்படுகிறது.

Here are some very low offer rated web hosting providers to consider: Click Here