விமர்சன ரீதியாக மாபெரும் வரவேற்பைப் பெற்ற ‘ரைட்டர்’ திரைப்படத்தின் இயக்குநர் ஃபிராங்க்ளின் ஜேக்கப் இயக்கத்தில், ‘இளைய திலகம்’ பிரபு மற்றும் பிரபல நடிகர் விஜய் வர்மா இணைந்து நடிக்கும் புதிய திரைப்படத்தின் படப்பிடிப்பு இன்று சென்னையில் கோலாகலமாகத் தொடங்கியது. முன்னணி தயாரிப்பு நிறுவனமான Romeo Pictures மற்றும் Aviate Pictures இணைந்து இப்படத்தைத் தயாரிக்கின்றன.
டார்க் ஹியூமர் & த்ரில்லர் கூட்டணி:
வித்தியாசமான கதைக்களத்தில், திரில்லர் கலந்த ‘டார்க் ஹியூமர்’ (Dark Comedy Thriller) பாணியில் உருவாகும் இப்படத்தில், கதாநாயகியாக ஷிவாத்மிகா ராஜசேகர் நடிக்கிறார். மேலும் தயாரிப்பாளர் ரோமியோ பிக்சர்ஸ் ராகுல் இப்படத்தில் ஒரு முக்கிய கதாபாத்திரத்தில் களமிறங்குகிறார்.
ஷூட்டிங் ஸ்பாட்டில் விக்ரம் பிரபு & ஆதிக் ரவிச்சந்திரன்!
படப்பிடிப்பின் முதல் நாளான இன்று, நடிகர் விக்ரம் பிரபு மற்றும் முன்னணி இயக்குநர் ஆதிக் ரவிச்சந்திரன் ஆகியோர் படப்பிடிப்புத் தளத்திற்கு நேரில் வருகை தந்து படக்குழுவினருக்கு வாழ்த்துகளைத் தெரிவித்தனர். இது படக்குழுவினருக்குப் பெரும் உற்சாகத்தை ஏற்படுத்தியது.
நட்சத்திர பட்டாளம் & மிரட்டலான டெக்னிக்கல் டீம்:
- முக்கிய நடிகர்கள்: முத்துக்குமார், ரமேஷ் திலக், திலீப் சுப்பராயன், தீனா, இயக்குநர் அருண் மாதேஸ்வரன், கவிதா பாரதி மற்றும் அவினாஷ் ரகுதேவன்.
- இசை: ‘லிட்டில் மேஸ்ட்ரோ’ யுவன் சங்கர் ராஜா (U1 Musical!)
- ஒளிப்பதிவு: பிரதீப் காளிராஜா
- படத்தொகுப்பு: பிரசன்னா G.K
- பாடல்கள்: யுகபாரதி
- சண்டைப் பயிற்சி: P.C. ஸ்டன்ட்ஸ்
தலைமுறைகளைக் கடந்த அனுபவமிக்க நடிகர் பிரபு மற்றும் நவீன கால நடிகர்களின் இந்த சங்கமம் ரசிகர்களுக்கு ஒரு தனித்துவமான சினிமா விருந்தாக அமையும் என்பதில் சந்தேகமில்லை. படத்தின் தலைப்பு விரைவில் அறிவிக்கப்பட உள்ளது.
Here are some very low offer rated web hosting providers to consider: Click Here
