தென்னிந்தியத் திரையுலகின் உயரிய விருதான சைமா (SIIMA Awards) விழாவில், இயக்குநர் மாரி செல்வராஜ் இயக்கத்தில் வெளியான ‘பைசன் காளமாடன்’ திரைப்படத்திற்காக சிறந்த நடிகர் (Best Actor) விருதை வென்று வரலாற்றுச் சாதனை படைத்துள்ளார் நடிகர் துருவ் விக்ரம். தனது மூன்றாவது படத்திலேயே சிறந்த நடிகருக்கான அங்கீகாரத்தைப் பெற்று ஒட்டுமொத்தத் தமிழ் சினிமாவையும் தன் பக்கம் திரும்பிப் பார்க்க வைத்துள்ளார்.
களத்தில் இறங்கி அடித்த துருவ் விக்ரம்:
விளையாட்டு வீரனின் கதையைக் களமாகக் கொண்ட இப்படத்திற்காக, தனது உடல்வாகு, தோற்றம் மற்றும் எதார்த்தமான கிராமத்து உடல்மொழியை அச்சு அசலாக மாற்றி நடித்திருந்தார் துருவ் விக்ரம். கபடி வீரனின் போராட்டத்தையும், சமூகத்தில் அவன் எதிர்கொள்ளும் சவால்களையும் கண்முன் கொண்டுவந்த அவரது தீர்க்கமான நடிப்பு ரசிகர்களாலும் விமர்சகர்களாலும் ஏகோபித்த பாராட்டுகளைப் பெற்றது.
‘பைசன்’ படத்தின் பிரம்மாண்டக் கூட்டணி:
- இயக்கம்: மாரி செல்வராஜ்
- தயாரிப்பு: அப்ளாஸ் என்டர்டெயின்மென்ட் (சமீர் நாயர், தீபக் சேகல், அதிதி ஆனந்த்) மற்றும் நீலம் ஸ்டுடியோஸ் (பா. ரஞ்சித்).
- முக்கிய நடிகர்கள்: அனுபமா பரமேஸ்வரன், இயக்குநர் அமீர், இயக்குநர் லால், பசுபதி, ரஜிஷா விஜயன்.
அடுத்த அதிரடி: ‘ஜாக்கி – நோ ரீடேக்ஸ் அலவுட்’
சைமா விருதின் மூலம் புதிய உத்வேகம் பெற்றுள்ள துருவ் விக்ரம், அடுத்ததாக மைத்ரி மூவி மேக்கர்ஸ் (Mythri Movie Makers) தயாரிப்பில் கரண் அரவிந்த் குமார் இயக்கும் ‘ஜாக்கி – நோ ரீடேக்ஸ் அலவுட்’ (Jacky – No Retakes Allowed) என்ற பிரம்மாண்ட ஆக்ஷன் திரைப்படத்தில் நடித்து வருகிறார்.
Here are some very low offer rated web hosting providers to consider: Click Here
