‘பிளாஸ்ட்’ திரைப்படத்தின் பிளாக்பஸ்டர் வெற்றியைத் தொடர்ந்து, முன்னணி தயாரிப்பு நிறுவனமான ஏஜிஎஸ் என்டர்டெயின்மென்ட் தனது 29-வது திரைப்படமான ‘ஏஜிஎஸ் 29’ (AGS 29) பூஜையை முறைப்படி இன்று நடத்தியுள்ளது. கல்பாத்தி எஸ். அகோரம், கல்பாத்தி எஸ். கணேஷ், கல்பாத்தி எஸ். சுரேஷ் தயாரிக்கும் இப்படத்தை, விஷாலின் ‘சக்ரா’ பட இயக்குநர் எம்.எஸ். ஆனந்தன் இயக்குகிறார்.
முதன்முறையாக இணையும் ஜெய் – பிரியங்கா மோகன்!
கலகலப்பான நடிப்பால் கவரும் ஜெய் மற்றும் முன்னணி நடிகை பிரியங்கா மோகன் முதன்முறையாக ஜோடி சேர்கின்றனர். இவர்களுடன் நகைச்சுவை நாயகன் யோகி பாபு இணைந்துள்ளார். மேலும் ராஜீவ் மேனன், நாசர், ஜி.எம். சுந்தர், ரமேஷ் திலக், அருள் தாஸ் என மிகப்பெரிய நட்சத்திரப் பட்டாளமே முக்கிய கதாபாத்திரங்களில் நடிக்கின்றனர்.
ஆக்ஷன் த்ரில்லர் வித் காமெடி கலாட்டா:
படம் குறித்துப் பேசிய இயக்குநர் எம்.எஸ். ஆனந்தன்:
“ஆரம்பம் முதல் இறுதி வரை பார்வையாளர்களை இருக்கையின் நுனியில் அமர வைக்கும் விறுவிறுப்பான அதிரடி ஆக்ஷன் திரைப்படமாக இது இருக்கும். அதே நேரத்தில் குடும்பத்துடன் ரசிக்கும் நகைச்சுவை அம்சங்களும் கச்சிதமாகக் கலந்திருக்கும்.”
சென்னை மற்றும் ஊட்டியில் இதன் படப்பிடிப்பு நடைபெற உள்ளது. வரும் செப்டம்பர் 10-ஆம் தேதி முதல் முழுவீச்சில் படப்பிடிப்பு தொடங்குகிறது.
மீண்டும் இணையும் ரவி பஸ்ரூர் – ஏஜிஎஸ் கூட்டணி:
‘கேஜிஎஃப்’ மற்றும் ‘பிளாஸ்ட்’ படங்களின் அனல் பறக்கும் பின்னணி இசையால் மிரட்டிய ரவி பஸ்ரூர், தொடர்ந்து இரண்டாவது முறையாக ஏஜிஎஸ் நிறுவனத்துடன் கைகோர்த்து இசையமைக்கிறார்.
- ஒளிப்பதிவு: பாலசுப்பிரமணியம்
- படத்தொகுப்பு: பிரதீப் இ. ராகவ்
- கலை இயக்கம்: எஸ். கண்ணன்
- சண்டைப் பயிற்சி: ஃபீனிக்ஸ் பிரபு
- கிரியேட்டிவ் புரொடியூசர்: அர்ச்சனா கல்பாத்தி
Here are some very low offer rated web hosting providers to consider: Click Here
