தேரே இஷ்க் மே படத்தின் பிரமோஷன் நிகழ்ச்சியில் கலந்து கொண்ட படக்குழுவினரின் புகைப்படங்கள் ட்ரெண்டிங்காகி வருகிறது.
கோலிவுட் திரையுலகில் உச்ச நட்சத்திரமாக திகழ்பவர் தனுஷ். நடிகராக மட்டுமின்றி இயக்குனராகவும் திகழ்ந்து கொண்டிருக்கும் இவர் தமிழ் படங்கள் மட்டுமின்றி தெலுங்கு ஹிந்தி ஆகிய மொழிகளிலும் நடித்து தற்போது பான் இந்திய நடிகராகவும் மாறி இருக்கிறார். ஏராளமான ரசிகர் பட்டாளத்தை கொண்டுள்ள இவரது நடிப்பில் தமிழில் கடைசியாக “இட்லி கடை” திரைப்படம் வெளியானது. அதன் வரவேற்பை தொடர்ந்து நடிகர் தனுஷ் இயக்குனர் விக்னேஷ் ராஜா இயக்கத்தில் மமீதா பாய்ஜு கதாநாயகியாக நடித்துள்ள தனது 54ஆவது திரைப்படத்தில் நடித்து வந்தார். ஜிவி பிரகாஷ் இசையமைத்து வரும் இப்படத்தின் படப்பிடிப்பு பணிகள் தற்போது நிறைவடைந்து விட்டது.
இந்த நிலையில் “தேரே இஷ்க் மே” என்ற தனது ஹிந்தி திரைப்படத்தின் ப்ரோமோசனுக்காக நேற்றைய தினம் தனுஷ் மும்பை சென்றிருந்தார். அது தொடர்பான புகைப்படங்கள் வைரலானது. ஆனந்த் எல் ராய் இயக்கத்தில் தனுஷ் நடித்துள்ள படம் ‘தேரே இஷ்க் மே’. முன்னணி பாலிவுட் நடிகை க்ரித்தி சனோன் இப்படத்தில் கதாநாயகியாக நடித்துள்ளார். ஏ ஆர் ரகுமான் இசையமைத்துள்ள இப்படத்தின் டீசர் சமீபத்தில் வெளியாகி ரசிகர்களின் கவனத்தை வெகுவாக ஈர்த்தது. காதலை மையமாகக் கொண்டு உருவாகி இருக்கும் இப்படம் வருகின்ற 28ஆம் தேதி திரையரங்குகளில் வெளியாகியுள்ளது. தற்போது இப்படத்தின் பிரமோஷன் நிகழ்ச்சி தொடங்கப்பட்டுள்ளது. அது குறித்த புகைப்படங்கள் தற்போது வெளியாகி இணையதளங்களில்வைரலாகி வருகிறது.
Here are some very low offer rated web hosting providers to consider: Click Here
