சின்னத்திரை மற்றும் வெள்ளித்திரையில் பிரபலமான நடிகர் பிரஜின் மற்றும் காமெடி கலாட்டா மன்னன் புகழ் ஆகியோர் இணைந்து நடிக்கும் புதிய படத்திற்கு, 'ஊருக்கு ரெண்டு ஊதாரி' என்று…
சின்னத்திரை மற்றும் வெள்ளித்திரையில் பிரபலமான நடிகர் பிரஜின் மற்றும் காமெடி கலாட்டா மன்னன் புகழ் ஆகியோர் இணைந்து நடிக்கும் புதிய படத்திற்கு, ‘ஊருக்கு ரெண்டு ஊதாரி’ என்று கலகலப்பான தலைப்பு வைக்கப்பட்டுள்ளது.
இப்படத்தின் தொடக்க விழா இன்று (பிப்ரவரி 5) சென்னையில் கோலாகலமாக நடைபெற்றது. இதில் மக்கள் செல்வன் விஜய் சேதுபதி சிறப்பு விருந்தினராகக் கலந்துகொண்டு படத்தைத் துவக்கி வைத்தார்.
கதைக்களம் என்ன? ‘வருத்தப்படாத வாலிபர் சங்கம்’, ‘ரஜினி முருகன்’ வரிசையில் ஒரு முழு நீள காமெடி படமாக இது உருவாகிறது. படம் குறித்து அறிமுக இயக்குநர் யோகேஸ்வரன் மைனர் கூறுகையில்:
“கடந்த பத்து வருடங்களாக சினிமாவில் ஒரே அடிதடி, வெட்டு குத்து படங்களாகவே வருகின்றன. அந்த இரண்டு மணிநேரம் தன்னை மறந்து சிரிக்க வேண்டும் என்றுதான் ரசிகர்கள் எதிர்பார்க்கிறார்கள்.
பொதுவாகவே ஊருக்கு ரெண்டு ஊதாரி இருப்பார்கள். ஆனால் ஒரே வீட்டில் ரெண்டு ஊதாரி இருந்தால் என்ன நடக்கும்? இதை வைத்து ஒரு சுவாரஸ்யமான காமெடி டிராமாவாக இப்படத்தை எடுக்கவிருக்கிறோம்,” என்றார்.
படப்பிடிப்பு எங்கே? இம்மாத இறுதியில் தேனி மற்றும் அதைச் சுற்றியுள்ள பகுதிகளில் படப்பிடிப்பு நடைபெறவுள்ளது. இந்த வருட கோடை விடுமுறைக்கு (Summer 2026) படத்தை வெளியிடப் படக்குழு திட்டமிட்டுள்ளது.
இன்று நடைபெற்ற விழாவில் தயாரிப்பாளர்கள் சுரேஷ் காமாட்சி, C.V. குமார், இயக்குநர் சுப்ரமணிய சிவா, கஞ்சா கருப்பு உள்ளிட்டோர் கலந்துகொண்டு வாழ்த்தினர்
Here are some very low offer rated web hosting providers to consider: Click Here
