உலகளவில் சுயாதீன தமிழ் இசைப் பாடல்களுக்கு (Tamil Independent Music) நாளுக்கு நாள் மிகப்பெரிய வரவேற்பு கிடைத்து வருகிறது. அந்த வரிசையில், கத்தாரில் பணியாற்றி வரும் தமிழ் இளைஞர் ஒருவர் தனது அசாத்திய திறமையால் உருவாக்கியுள்ள “சுந்தரிப்பெண்ணே” என்ற புதிய பியூச்சரிஸ்டிக் (Futuristic) தமிழ் மியூசிக் ஆல்பம் தற்போது இணையத்தில் பலரது கவனத்தையும் ஈர்த்து வருகிறது.
தோஹாவில் உள்ள இந்திய கலாச்சார மையத்தில் (ICC) நடைபெற்ற பிரம்மாண்ட விழாவில், கத்தார் நாட்டின் முக்கிய அதிகாரிகள் மற்றும் இந்திய கலாச்சார மையத்தின் தலைவர் முன்னிலையில் இந்த ஆல்பம் பொதுமக்கள் முன்னிலையில் அதிகாரப்பூர்வமாக வெளியிடப்பட்டது.
ஆல்-இன்-ஒன் ஆல்பம்!
இந்த ஆல்பத்தின் மிக முக்கிய சிறப்பம்சம் என்னவென்றால், வெளிநாட்டில் வேலை பார்த்துக்கொண்டே, தனது சொந்த முயற்சியாலும் கலை மீதான அர்ப்பணிப்பாலும் ஐவின் (IVIN) என்ற ஒரே இளைஞர் இந்த ஆல்பத்தின் கதை, திரைக்கதை, பாடல் வரிகள், இயக்கம், நடிப்பு மற்றும் பாடகர் என அனைத்துப் பொறுப்புகளையும் ஒருவரே ஏற்று அசத்தியுள்ளார்.
முழுக்க முழுக்க கத்தாரில் மேக்கிங்!
கத்தார் நாட்டின் எழில் கொஞ்சும் பல்வேறு பகுதிகளில் முற்றிலும் பியூச்சரிஸ்டிக் பின்னணியில் இந்த ஆல்பம் நேர்த்தியாகப் படமாக்கப்பட்டுள்ளது. ஜெகன் – சத்யா ஆகியோரின் துள்ளலான இசையில் உருவாகியுள்ள இந்த ஆல்பத்தை SSK Brothers Productions, IVIN Creations மற்றும் Rehaab Media ஆகிய நிறுவனங்கள் இணைந்து வழங்கியுள்ளன.
அயலகத்தில் இருந்துகொண்டே தமிழ் மீதான பற்றால் தரமான ஒரு படைப்பை உருவாக்கியுள்ள ஐவினின் இந்த முயற்சிக்குத் திரையுலகினரும், ரசிகர்களும் தங்களது பாராட்டுகளைத் தெரிவித்து வருகின்றனர். இந்த “சுந்தரிப்பெண்ணே” ஆல்பம் தற்போது IVIN Creations யூடியூப் சேனலில் வெளியாகி, உலகெங்கும் உள்ள தமிழ் இசை ரசிகர்களிடம் நல்ல வரவேற்பைப் பெற்று வருகிறது.
Here are some very low offer rated web hosting providers to consider: Click Here
