தற்போது GOAT திரைப்படத்தில் தளபதி விஜய் நடித்துள்ளார். வெங்கட் பிரபு இந்த படத்தை இயக்கியுள்ளார். பெரிதும் எதிர்பார்ப்பில் உள்ள இந்த திரைப்படம் செப்டம்பர் 5ஆம் தேதி திரைக்கு வரவிருக்கிறது. ஏஜிஎஸ் நிறுவனம் தயாரிப்பில் யுவன் ஷங்கர் ராஜா இசையமைத்துள்ளார். மேலும் பிரபு தேவா, பிரஷாந்த், மோகன், ஜெயராம், யோகி பாபு, சினேகா, லைலா, மீனாட்சி சவுத்ரி என நட்சத்திரங்கள் இத்திரைப்படத்தில் நடிக்கிறார்கள்.
GOAT படத்திலிருந்து கிலிம்ப்ஸ் வீடியோ ஒன்றை கடந்த ஜூன் 22ஆம் தேதி தான் வெளியிட்டு இருந்தனர். இதில் தந்தை மகன் என 2 வேடத்திலும் வந்து அசத்தியிருந்தார் நடிகர் விஜய். இந்த வீடியோவிற்கு ரசிகர்கள் மத்தியில் சிறந்த வரவேற்பும் கிடைத்தது. கடந்த சில நாட்களுக்கு முன் GOAT படத்தை பார்த்தா பிறகு நடிகர் விஜய் மற்றும் தயாரிப்பாளர் அர்ச்சனா கல்பாத்தி 2 பேரும் இயக்குனர் வெங்கட் பிரபுவை புகழ்ந்து பேசியதாக தகவல் வெளியானது. இந்த தகவல் GOAT படத்தின் மீது பலருக்கும் நம்பிக்கையையும் கொடுத்துள்ளது.
இந்த நிலையில், GOAT படத்தை பார்த்துவிட்டு இயக்குனரை புகழ்ந்து பேசிய நடிகர் விஜய், சற்று பயந்துபோய் இருக்கிறாராம். இதனால் இயக்குனர் வெங்கட் பிரபுவிடம் புகழ்ச்சியை மட்டும் சொல்லாமல், இப்படத்தை எல்லோரும் பெரிதளவில் எதிர்பார்க்கிறார்கள், கவனமாக பார்த்து செய்யுங்க என தெரிவித்தாராம் விஜய். இந்த தகவலை மூத்த பத்திரிக்கையாளர் பிஸ்மி பகிர்ந்துகொண்டு இருக்கிறார் என்பது குறிப்பிடத்தக்கது.
Here are some very low offer rated web hosting providers to consider: Click Here