கோவாவில் நடைபெறப் போகும் இந்திய சர்வதேச திரைப்பட விழாவில் நடிகர் ரஜினியின் சினிமா பயணத்தை கவுரவிக்கும் வகையில் விருது வழங்கப்பட உள்ளது.
கோவாவில் ஆண்டுதோறும் இந்திய சர்வதேச திரைப்பட விழா கொண்டாடப்பட்டு வருகிறது. 56 வது முறையாக நடைபெற இருக்கும் இந்த விழா முக்கியமான திரைப்பட விழாக்களில் ஒன்றாகும். அந்தவகையில் இந்த ஆண்டுக்கான திரைப்பட விழா, கோவாவில் வருகிற 20-ந்தேதி முதல் தொடங்கி 24-ந்தேதி வரை நடைபெற இருக்கிறது.
இதில் பல மொழிகளில் வெளியான திரைப்படங்களும், திரைப்படம் சார்ந்த ஆவணப்படங்கள், ஆய்வறிக்கைகளும் சமர்ப்பிக்கப்பட உள்ளன. திரைத்துறையினரின் திறமையை ஆண்டுதோறும் கௌரவித்து வரும் இந்த விழாவில் தமிழ் சினிமாவில் இதுவரை 50 ஆண்டுகளைக் கடந்து தற்போது வரை தனது நடிப்பால் ரசிகர்களை மகிழ்வித்து சூப்பர் ஸ்டாராக விளங்கி வரும் நடிகர் ரஜினிகாந்தை கௌரவிக்கும் வகையில் சிறப்பு விருது வழங்கப்பட உள்ளது. இது தொடர்பான தகவல் தற்போது இணையத்தில் வைரலாகி ரசிகர்களை மகிழ்ச்சியடைய செய்து வருகிறது.
Here are some very low offer rated web hosting providers to consider: Click Here
