என் திரைப்பயணம் முழுமையடைந்து விட்டது! சூப்பர் ஸ்டாரின் ‘தர்மன்’ படத்தில் இணைந்த சிம்ரன் நெகிழ்ச்சி!

சில கலைஞர்கள் மட்டுமே காலங்கள் கடந்தும் மக்கள் மனதில் நீங்காத இடத்தைப் பிடிப்பார்கள். அந்த வகையில், தனது அழகு, அசாதாரண நடிப்புத் திறன் மற்றும் நடனத்தால் தலைமுறைகளைத் தாண்டி ரசிக்கப்படும் நடிகை சிம்ரன், தனது திரைப்பயணத்தில் மற்றொரு பிரம்மாண்ட மைல்கல்லை எட்டியுள்ளார்.

உலகநாயகன் கமல்ஹாசனின் ராஜ் கமல் பிலிம்ஸ் இன்டர்நேஷனல் (RKFI) தயாரிப்பில், இயக்குநர் அஸ்வத் மாரிமுத்து இயக்கத்தில் சூப்பர் ஸ்டார் ரஜினிகாந்த் நடிக்கும் ‘தர்மன்’ திரைப்படத்தில் நடிகை சிம்ரன் ஒரு மிக முக்கியமான, வலுவான கதாபாத்திரத்தில் நடிக்கவுள்ளார்.

சிம்ரனின் நெகிழ்ச்சியான அறிக்கை:

இந்த மெகா திரைப்படத்தில் இணைந்தது குறித்து நடிகை சிம்ரன் மிகவும் உணர்வுப்பூர்வமாகப் பகிர்ந்து கொண்டதாவது:

“சில கனவுகள் நனவாகச் சரியான நேரம் அமைய வேண்டும். சூப்பர் ஸ்டார் ரஜினிகாந்த் சாருடன் இணைந்து ஒரு முக்கியமான கதாபாத்திரத்தில் நடிப்பது என் நீண்ட நாள் கனவு. அது ‘பேட்ட’ திரைப்படத்தில் நிறைவேறினாலும், அது சிறிய கதாபாத்திரமாகவே இருந்தது. ஆனால், இன்று ‘தர்மன்’ படத்தில் முழுமையான, முக்கியத்துவம் நிறைந்த ஒரு கதாபாத்திரத்தில் அவருடன் மீண்டும் இணைந்து நடிப்பதில் நான் எல்லையில்லா மகிழ்ச்சியடைகிறேன்.

இந்த மாபெரும் வாய்ப்பை வழங்கிய ரஜினிகாந்த் சார், கமல்ஹாசன் சார், இயக்குநர் அஸ்வத் மாரிமுத்து மற்றும் படக்குழுவினர் அனைவருக்கும் என் மனமார்ந்த நன்றிகள். என் ரசிகர்கள் மற்றும் ஊடக நண்பர்களின் மாறாத அன்புதான் என்னைத் தொடர்ந்து இயக்குகிறது. ‘கேளுங்கள்… நம்புங்கள்… இந்த பிரபஞ்சம் நீங்கள் நினைக்காத விதத்தில் பதிலளிக்கும்’ என்பதில் எனக்கு எப்போதுமே அசைக்க முடியாத நம்பிக்கை உண்டு. அந்த நம்பிக்கையோடு இந்த புதிய அத்தியாயத்தில் அடியெடுத்து வைக்கிறேன்.”

3 தசாப்தங்களாகத் தொடரும் சிம்ரனின் ராஜ்ஜியம்!

1997-ஆம் ஆண்டு ஜூலை 4-ஆம் தேதி வெளியான ‘ஒன்ஸ் மோர்’ மற்றும் ‘வி.ஐ.பி.’ ஆகிய படங்களின் மூலம் தமிழ்த் திரையுலகில் அறிமுகமான சிம்ரன், தனது உழைப்பு, தொழில்பக்தி மற்றும் காலத்திற்கு ஏற்றவாறு தன்னைப் புதுப்பித்துக் கொள்ளும் குணத்தால், இன்றும் முன்னணி நாயகியாகத் தன்னை நிலைநிறுத்தியுள்ளார்.

ஒரு சிறந்த இல்லத்தரசி, தாய், தொழில்முனைவோர் எனப் பன்முகத் தன்மையோடு செயல்படும் சிம்ரன், ‘தர்மன்’ படத்தில் தனது அசாத்திய நடிப்பால் மீண்டும் ஒருமுறை ரசிகர்களை வியக்க வைப்பார் எனப் பெரிதும் எதிர்பார்க்கப்படுகிறது.

Here are some very low offer rated web hosting providers to consider: Click Here