செல்வராகவனின் செம காமெடி கலாட்டா! பவிஷ் நாராயணின் ‘லவ் ஓ லவ்’ டீசர் அவுட்.. ஜூலையில் தியேட்டர்களில் ரிலீஸ்!

தமிழ் சினிமாவில் எப்போதுமே ரொமாண்டிக் காமெடி (Rom-Com) திரைப்படங்களுக்குப் பேமிலி ஆடியன்ஸ் மற்றும் இளைஞர்கள் மத்தியில் மிகப்பெரிய வரவேற்பு இருக்கும். அந்த வரிசையில், தற்போதைய 2G, 3G தலைமுறையின் காதலையும், குடும்ப உறவுகளையும் மையமாகக் கொண்டு பக்கா என்டர்டெய்னராக உருவாகி வரும் திரைப்படம் ‘லவ் ஓ லவ்’.

இப்படத்தின் டீசர் வெளியீட்டு விழா நேற்று நடைபெற்றது. இதில் சிறப்பு விருந்தினர்களாக இயக்குநர் சுப்பிரமணிய சிவா, நடிகர் தர்ஷன் மற்றும் ‘ரீமேட்ச்’ பட நாயகன் கேபிஒய் பாலா ஆகியோர் கலந்துகொண்டு படக்குழுவினரை வாழ்த்தினர்.

டீசரில் என்ன ஸ்பெஷல்?

வெறும் 80 வினாடிகள் மட்டுமே கொண்ட இந்த டீசர் காதல், காமெடி, இளமைத் துள்ளல் என அக்மார்க் கமர்ஷியல் எலிமெண்ட்ஸோடு வெளியாகி சமூக வலைதளங்களில் நல்ல வரவேற்பைப் பெற்று வருகிறது.

உறவுகள் மீது அதிக அக்கறை காட்டும் ஒரு இளைஞனின் வாழ்க்கையில் நடக்கும் எதிர்பாராத திருப்பங்களும், அதனால் ஏற்படும் சுவாரசியமான கலாட்டாக்களுமே படத்தின் கதை. குறிப்பாக, இந்த டீசரில் இயக்குநர் செல்வராகவன் ஏற்றுள்ள வித்யாசமான காமெடி கலந்த கதாபாத்திரம் ரசிகர்களைப் பெரிதும் கவர்ந்துள்ளது. அவரது இயல்பான நடிப்பும், ஸ்கிரீன் பிரசன்ஸும் படத்திற்குப் பெரிய ப்ளஸாக இருக்கும் என எதிர்பார்க்கப்படுகிறது.

ரிலீசுக்கு முன்பே அமேசான் பிரைம் டீலிங்!

சென்னை மற்றும் ஊட்டியின் அழகிய பின்னணிகளில் படமாக்கப்பட்டுள்ள இத்திரைப்படம், ரிலீசுக்கு முன்பே வியாபார ரீதியாக மாஸ் காட்டியுள்ளது. படத்தின் தரத்தின் மீதுள்ள நம்பிக்கையால் இதன் டிஜிட்டல் உரிமையை பிரபல ஓடிடி நிறுவனமான அமேசான் பிரைம் வீடியோ (Amazon Prime Video) கைப்பற்றியுள்ளது. மேலும், இதன் ஆடியோ உரிமத்தை முன்னணி இசை நிறுவனமான திங்க் மியூசிக் (Think Music) வாங்கியுள்ளது.

நட்சத்திரப் பட்டாளம் மற்றும் தொழில்நுட்பக் குழு:

இப்படத்தில் பவிஷ் நாராயண் – நாகா துர்கா ஜோடியுடன் இணைந்து இயக்குநர் கே.எஸ். ரவிக்குமார், வனிதா விஜயகுமார், ரம்யா, ஆதித்யா கதிர் உள்ளிட்ட பல நட்சத்திரங்கள் முக்கிய வேடங்களில் நடித்துள்ளனர்.

• தயாரிப்பு: தினேஷ் ராஜ் (Zinema Media), ஜி. தனஞ்ஜெயன் (Creative Entertainers & Distributors)
• இயக்கம்: மகேஷ் ராஜேந்திரன்
• இசை: வடசென்னையைச் சேர்ந்த இளம் இசையமைப்பாளர் ஜோடி FOXn (பிரதீப் பி.ஜே. – வேய்ன் பேவி).
• ஒளிப்பதிவு: பி.ஜி. முத்தையா
• படத்தொகுப்பு: தேசிய விருது பெற்ற என்.பி. ஸ்ரீகாந்த்
• கலை இயக்கம்: பா. மகேந்திரன்
• பி.ஆர்.ஓ: ரேகா

தற்போது இறுதிக்கட்ட பின்னணி வேலைகளில் (Post-Production) பிஸியாக இருக்கும் ‘லவ் ஓ லவ்’, வரும் ஜூலை 2026-ல் உலகமெங்கும் உள்ள திரையரங்குகளில் ரிலீசாகத் தயாராகி வருகிறது.

Here are some very low offer rated web hosting providers to consider: Click Here