தனுஷ் ரசிகர்களுக்கு இன்று ஒரு மரண மாஸ் ட்ரீட் கிடைத்துள்ளது. தனுஷின் 55-வது படத்திற்கு ஆன்மீகமும் மாஸும் கலந்த ‘ஓம்’ (Om) என்ற தலைப்பு வைக்கப்பட்டு, அதன் கிளிம்ப்ஸ் வீடியோ பத்திரிகையாளர்கள் முன்னிலையில் பிரம்மாண்டமாக வெளியிடப்பட்டுள்ளது.
தனுஷின் பழைய பாணி மாஸ் கமர்ஷியல் ஆட்டம்!
தயாரிப்பு நிறுவனமான Wunderbar Films சார்பில் பேசிய ஷ்ரேயாஸ், “இது தனுஷ் சாரின் திரைப்பயணத்திலேயே மிக பிரம்மாண்டமான பட்ஜெட்டில் உருவாகும் திரைப்படம். ரசிகர்கள் ஆவலோடு எதிர்பார்க்கும் பழைய பாணியிலான தனுஷ் சாரின் மாஸ் கமர்ஷியல் திரைப்படமாக இது இருக்கும். உங்களது ஒட்டுமொத்த எதிர்பார்ப்பையும் இந்த ‘ஓம்’ பூர்த்தி செய்யும்” என்று அதிரடி உறுதியளித்துள்ளார். வரும் அக்டோபர் 16-ஆம் தேதி இத்திரைப்படம் உலகமெங்கும் தியேட்டர்களில் ரிலீசாகிறது.
பிரம்மாண்ட பான்-இந்தியா கூட்டணி!
இயக்குநர் ராஜ்குமார் பெரியசாமி மேடையில் பேசும்போது படத்தின் மிரட்டலான காஸ்டிங் (Casting) விவரங்களை உடைத்தார். இப்படத்தில் தனுஷுடன் இணைந்து முதன்முறையாக மலையாள மெகா ஸ்டார் மம்மூட்டி ஒரு முக்கிய வேடத்தில் நடிக்கிறார். மேலும், திறமையான நடிகைகளான சாய் பல்லவி மற்றும் ஸ்ரீலீலா ஆகிய இருவர் கதாநாயகிகளாகக் களம் இறங்குகிறார்கள். இவர்களுடன் இந்திரன் உள்ளிட்ட பல நட்சத்திரங்கள் இணைந்துள்ளனர். ஏற்கனவே படத்தின் முதல்கட்ட படப்பிடிப்பு வெற்றிகரமாக முடிவடைந்துவிட்டதாக இயக்குநர் தெரிவித்தார்.
‘அமரன்’ எடிட்டர் & ‘குகு கூ’ சாய் அபயங்கர் இசை!
‘அமரன்’ படத்தின் மூலம் இந்திய அளவில் கவனம் பெற்ற ராஜ்குமார் பெரியசாமி, இந்த முறை புதுமையான திரைக்கதையுடன் கூடிய ஒரு பிரம்மாண்ட ஆக்ஷன் திரைப்படத்தை உருவாக்கி வருகிறார். ‘குகு கூ’, ‘ஆசாPosition’ பாடல்கள் மூலம் இன்டர்நெட் சென்சேஷனாக வலம் வரும் இளம் இசையமைப்பாளர் சாய் அபயங்கர் இப்படத்திற்கு இசையமைக்கிறார்.
‘அமரன்’ மற்றும் ‘கருப்பு’ படங்களின் எடிட்டரான கலை, இப்படத்திற்கும் படத்தொகுப்பு செய்கிறார். ஒளிப்பதிவை எழிலரசு கவனிக்கிறார். ஆடியோ உரிமத்தை Divo Music மற்றும் Warner Music Group நிறுவனங்கள் கைப்பற்றியுள்ளன.
இது வெறும் டைட்டில் போஸ்டர் அல்ல!
படம் குறித்துப் பேசிய இயக்குநர், “இந்த வீடியோவை வெறும் தலைப்பு அறிவிப்பாக மட்டும் பார்க்கக் கூடாது. ஒரு போஸ்டரை வெளியிடுவதற்குப் பதிலாக, தனுஷ் சார் ஏற்றுள்ள மாஸ் கதாபாத்திரத்தை ரசிகர்களுக்கு அறிமுகப்படுத்தும் விதமாகவே இதை உருவாக்கியுள்ளோம். இதற்கு ‘ஓம்: சேப்டர் 1’ என்று பெயரிட்டுள்ளோம். இந்த தலைப்பிற்குள் பல சுவாரசியமான அர்த்தங்களும், பல்வேறு அடுக்குகளும் (Layers) உள்ளன. அவை அடுத்தடுத்து உங்களுக்கே புரியும். படத்தின் டீசர் மற்றும் கேரக்டர் இன்ட்ரோ வீடியோக்கள் அடுத்தடுத்த வாரங்களில் வெளியாகும்” என்றார்.
Here are some very low offer rated web hosting providers to consider: Click Here
