அன்பான ஃபேன்ஸ்’ என்று அழைக்கப்படும் சூர்யா ரசிகர்களுக்கு ஒரு மாபெரும் ட்ரீட் ரெடியாகி வருகிறது. இந்திய அளவில் அதிர்வலைகளை ஏற்படுத்திய ‘ஜெய்பீம்’ பட இயக்குநர் த.செ. ஞானவேல் இயக்கத்தில் சூர்யா தனது 48-வது படத்தில் (S-48) நடிக்கவுள்ளார்.
இப்படத்தின் மிகப்பெரிய ஹைலைட் என்னவென்றால், ‘கே.ஜி.எஃப்’, ‘காந்தாரா’, ‘சலார்’ போன்ற இந்திய சினிமாவை மிரட்டிய பாக்ஸ் ஆபீஸ் படங்களைத் தயாரித்த ஹொம்பாலே பிலிம்ஸ் (Hombale Films) நிறுவனம் தான் இந்த திரைப்படத்தைப் பிரம்மாண்டமாகத் தயாரிக்கிறது.
ஹொம்பாலே பிலிம்ஸ் தயாரிப்பாளர் விஜய் கிரகந்தூர் நெகிழ்ச்சி!
இந்த மெகா கூட்டணி குறித்து ஹொம்பாலே பிலிம்ஸ் நிறுவனத்தின் தயாரிப்பாளர் விஜய் கிரகந்தூர் கூறுகையில், “கடந்த 30 ஆண்டுகளுக்கும் மேலாகத் தமிழ்நாட்டைக் கடந்து இந்திய அளவில் மிகச்சிறந்த நட்சத்திரமாக சூர்யா விளங்குகிறார். வணிக ரீதியான வெற்றியையும், விமர்சன ரீதியான பாராட்டுகளையும் ஒருசேரப் பெறுவதில் வல்லவரான சூர்யாவுடன் இணைவது எங்களுக்குப் பெருமை. மொழி, கலாச்சார எல்லைகளைக் கடந்து பிரம்மாண்ட படைப்புகளைக் கொடுப்பதே எங்கள் இலக்கு. சூர்யா மற்றும் இயக்குநர் த.செ. ஞானவேல் கூட்டணியில் இணையவுள்ள இந்த திரைப்படத்தில் எதிர்பாராததை எதிர்பாருங்கள்” என்று உற்சாகமாகக் குறிப்பிட்டுள்ளார்.
பிரம்மாண்ட காஸ்டிங் மற்றும் தொழில்நுட்பக் குழு!
இந்த திரைப்படத்தில் சூர்யாவுக்கு ஜோடியாக, தமிழ் மற்றும் தெலுங்கு திரையுலகில் தற்போது கவனம் ஈர்த்து வரும் இளம் நடிகை கயாது லோகர் கதாநாயகியாக நடிக்கிறார். மேலும், பிரகாஷ்ராஜ், யோகிபாபு, குமரவேல் உள்ளிட்ட பல திறமையான நட்சத்திரங்கள் முக்கிய கதாபாத்திரங்களில் நடிக்கவுள்ளனர்.
படம் குறித்த தொழில்நுட்பக் கலைஞர்களின் விவரம் பின்வருமாறு:
- இசை: சாய் அபயங்கர் (தற்போதைய இளைஞர்களின் ட்ரெண்டிங் மியூசிக் டைரக்டர்)
- ஒளிப்பதிவு: எஸ். ஆர். கதிர்
- திரைக்கதை: பா. கிருத்திகா
- படத்தொகுப்பு: ஃபிலோமின் ராஜ்
- தயாரிப்பு வடிவமைப்பு (Production Design): கே. கதிர்
படப்பிடிப்பு எப்போது?
சூர்யாவின் திரைப்பயணத்தில் மிக முக்கியமான மைல்கல்லாக அமையவுள்ள இந்த ‘S-48’ திரைப்படத்தின் முதற்கட்ட படப்பிடிப்பு வரும் ஜூலை 22-ம் தேதி முதல் மிகப்பிரம்மாண்டமாகத் தொடங்கவுள்ளது.
Here are some very low offer rated web hosting providers to consider: Click Here
