அதுக்குள் ஒரு வருடம் கழித்து விட்டது… நடிகர் நெப்போலியன் பதிவிட்ட ஹேப்பி நியூஸ்!! – குவியும் வாழ்த்துக்கள்.

நடிகர் நெப்போலியன் மகன் தனுஷ் – அக்‌ஷயா தம்பதியின் முதலாம் ஆண்டு திருமண நாளை கொண்டாடியது குறித்து தனது மகிழ்ச்சியை வீடியோவுடன் பகிர்ந்திருக்கிறார்.

தமிழ் சினிமாவில் முன்னணி நடிகராக திகழ்ந்து கொண்டிருப்பவர் நெப்போலியன். 90ஸ் காலகட்டத்தில் ஹீரோவாகவும் வில்லனாகவும் பல படங்களில் நடித்து அசத்திய இவர் 1991 ஆண்டு பாரதிராஜாவின் ‘புது நெல்லு புது நாத்து’ படத்தின் மூலம் நடிகராக அறிமுகமானார். அதன் பிறகு ஏராளமான படங்களில் நடித்து ரசிகர்கள் மத்தியில் தனக்கென தனி இடம் பிடித்திருந்த இவர் அரசியலிலும் களம் இறங்கி திமுக சார்பில் மத்திய அமைச்சராக செயல்பட்டார். சினிமாவில் ஆரம்ப காலத்தில் ஜெயசுதாவைத் திருமணம் செய்து கொண்ட நடிகர் நெப்போலியனுக்கு தனுஷ் மற்றும் குணால் என்று இரண்டு மகன்கள் உள்ளனர். அதில் மூத்த மகன் தனுஷ் தசை சிதைவு நோய் (Muscular Dystrophy) என்ற அரிய வகை நோயால் பாதிப்படைந்துள்ளார்.

அவரது சிகிச்சைக்காக அவ்வப்போது அமெரிக்காவிற்கு சென்று வந்த நடிகர் நெப்போலியன் பின்னர் தனது குடும்பத்துடன் அங்கேயே செட்டில் ஆகிவிட்டார். தற்போது வரை மருத்துவ சிகிச்சைகளை மேற்கொண்டு வரும் தனுஷிற்கு திருநெல்வேலி மாவட்டத்தை சேர்ந்த அக்‌ஷயா என்ற பெண்ணுடன் கடந்த ஆண்டு நவம்பர் 7ஆம் தேதி ஜப்பான் தலைநகர் டோக்கியோவில் திருமணம் கோலாகலமாக நடைபெற்றது. இந்த திருமணம் குறித்து பலர் பாராட்டி வந்தாலும் பல பேர் சில எதிர்மறையான கருத்துக்களை கூறியிருந்தது குறிப்பிடத்தக்கது.

இந்த நிலையில் நடிகர் நெப்போலியன் தனது instagram பக்கத்தில் தனது மகனின் முதலாம் ஆண்டு திருமண விழாவை கொண்டாடியது பற்றி பகிர்ந்திருக்கும் வீடியோ அனைவரது கவனத்தையும் ஈர்த்து வைரலாகி வருகிறது. அதில் அவர், ”இனிய முதலாம் ஆண்டு திருமணநாள் வாழ்த்துகள். உலகெங்கும் வாழும் அன்பு நண்பர்களே, நமது தமிழ்ச் சொந்தங்களே, வணக்கம். கடந்த ஆண்டு நவம்பர் மாதம் 7 ம் தேதி அன்று ஜப்பான் நாட்டில் டோக்கியோவில் தனுஷ் மற்றும் அக்‌ஷயா திருமணம் நம் அனைரவின் அன்போடும், ஆசீர்வாதத்துடனும் இனிதே நடைபெற்றது..! அதற்குள் ஓர் ஆண்டு விரைந்து ஓடிவிட்டது..!

நேற்று (அதாவது நேற்று முன்தினம்) நவம்பர் 7 ம் தேதி மாலையில் நாங்கள் வசிக்கும் Nashville நகரில் எங்களது இல்லத்தில் அவர்களது முதலாவது ஆண்டு திருமணநாள் நிகழ்ச்சியை, உங்களின் அன்போடும், ஆசீர்வாதத்துடனும், நண்பர்கபளோடு மிகவும், எளிமையாகவும், மகிழ்ச்சியாகவும் கொண்டாடினோம்” என்று கூறியுள்ளார். அவரது இந்த பதிவிற்கு பலரும் தங்களது வாழ்த்துக்களை குவித்து வருகின்றனர்.

https://www.instagram.com/reel/DQzM_jakQCf/?utm_source=ig_web_copy_link

Here are some very low offer rated web hosting providers to consider: Click Here