அரசன்’ படப்பிடிப்பு நிறுத்தம்: தயாரிப்பாளர் சங்கத்திற்கு எதிராக சீறும் டி.ஆர்! சிம்புவுக்காக களமிறங்கிய தந்தை!

அரசனுக்காகவோ, சிலம்பரசனுக்காகவோ வாதாட நான் வரவில்லை… அறம் தவறக்கூடாது என்பதைச் சுட்டிக்காட்டவே வருகிறேன்!” என அதிரடியாகக் களமிறங்கியுள்ளார் டி.ராஜேந்தர். சிலம்பரசன் நடிப்பில் உருவாகி வரும் ‘அரசன்’ படப்பிடிப்பு திடீரென நிறுத்தப்பட்டதைத் தொடர்ந்து, தயாரிப்பாளர் சங்கம் மற்றும் தென்னிந்திய திரைப்பட தொழிலாளர் சம்மேளனத்திற்கு (FEFSI) எதிராக அவர் அடுக்கடுக்கான கேள்விகளை எழுப்பியுள்ளார்

சட்டப்போராட்டமும் நீதிமன்றத் தீர்ப்பும்:

‘வெந்து தணிந்தது காடு’ படத்தின் தயாரிப்பாளர் ஐசரி கணேஷ் தொடர்ந்த வழக்கில், ஏற்கனவே நீதிமன்றம் சிலம்பரசனுக்கு ஆதரவாகத் தீர்ப்பு வழங்கியுள்ளதை டி.ஆர் சுட்டிக்காட்டியுள்ளார்.

“நீதிமன்றம் வழங்கிய தீர்ப்பு நகல் எங்களிடம் இருக்கிறது. இரண்டாவது படத்திற்காகக் கொடுக்கப்பட்ட அட்வான்ஸ் சிலம்பரசனைச் சாரும் எனத் தீர்ப்பு வந்த பிறகும், பழைய வழக்கைச் சாக்குப்போக்காக வைத்து படப்பிடிப்பைத் தடுப்பது முறையா?” என அவர் கேள்வி எழுப்பியுள்ளார்.

நடிகர் சங்கத்திற்கு விடுத்த கோரிக்கை:

தயாரிப்பாளர் சங்கம் ஒரு தயாரிப்பாளருக்காக (ஐசரி கணேஷ்) நிற்கும்போது, ஒரு நடிகருக்காக தென்னிந்திய நடிகர் சங்கம் (Nadigar Sangam) ஏன் நிற்கக்கூடாது? என்று டி.ஆர் கேள்வி எழுப்பியுள்ளார். நடிகர் சங்கம் உடனடியாகத் தலையிட்டுச் சுமூகமான தீர்வை ஏற்படுத்தி, நீதியை நிலைநாட்ட வேண்டும் என்று அவர் கோரிக்கை வைத்துள்ளார்.

தேர்தல் நேரத்தில் சட்டத்தைக் கையில் எடுப்பதா?

தமிழகத்தில் சட்டமன்றத் தேர்தல் நடக்கக்கூடிய இந்தச் சூழலில், நீதிமன்றத் தீர்ப்பையும் மீறி ஒரு படத்தின் படப்பிடிப்பைத் தடுப்பது சட்டத்தை மீறும் செயல் என்று அவர் கண்டனம் தெரிவித்துள்ளார். இது தொடர்பாக விரைவில் பத்திரிகையாளர்களைச் சந்தித்து விரிவான விளக்கங்களை அளிக்கப் போவதாகவும் டி.ஆர் அறிவித்துள்ளார்.

Here are some very low offer rated web hosting providers to consider: Click Here