மேடைகளில் அத்துமீறும் பேச்சுகள்… மௌனம் காக்கும் பெண் தலைவர்கள்: அதிமுக மீது குவியும் கண்டனங்கள்!

தமிழக அரசியல் களத்தில் தேர்தல் காய்ச்சல் சூடுபிடித்துள்ள நிலையில், மேடைப் பேச்சுகளில் அத்துமீறல்கள் அதிகரித்து வருகின்றன. குறிப்பாக, சமீபத்தில் நடைபெற்ற சில கூட்டங்களில் அதிமுக நிர்வாகிகள் பெண்களை இழிவுபடுத்தும் வகையில் பேசியிருப்பது பெரும் சர்ச்சையை ஏற்படுத்தியுள்ளது.

தொடரும் சர்ச்சைப் பேச்சுகள் சமீபத்திய அரசியல் நிகழ்வுகளில், அதிமுகவின் முக்கிய நிர்வாகிகள் சிலர் பெண்களுக்கு எதிரான அருவருக்கத்தக்க வார்த்தைகளைப் பயன்படுத்தி வருவதாகக் குற்றச்சாட்டுகள் எழுந்துள்ளன. கடந்த காலங்களில் பெண்களுக்கு எதிரான குற்றங்கள் பேசுபொருளாக இருந்த நிலையில், தற்போது எதிர்க்கட்சியாக உள்ள சூழலிலும் அரசியல் மேடைகளில் பெண்களை அவமதிக்கும் வகையிலான இத்தகைய பேச்சுகள் தொடர்வது பொதுமக்கள் மத்தியில் அதிருப்தியை ஏற்படுத்தியுள்ளது.

உதாரணமாக, கரூரில் நடைபெற்ற ஒரு ஆர்ப்பாட்டத்தில் அதிமுக முன்னாள் அமைச்சர் எம்.ஆர். விஜயபாஸ்கர் பேசிய விதம் கடும் விமர்சனத்திற்கு உள்ளாகியுள்ளது.

வேடிக்கை பார்க்கும் கூட்டணிக் கட்சிகள்? இந்த விவகாரத்தில் அதிகம் விவாதிக்கப்படும் மற்றொரு விஷயம், அதிமுக மற்றும் பாஜகவில் உள்ள பெண் தலைவர்களின் மௌனம்தான்.

சொந்தக் கட்சியைச் சேர்ந்தவர்களே மேடைகளில் பெண்களை இழிவுபடுத்திப் பேசும்போதும், அதிமுகவின் பெண் நிர்வாகிகளோ அல்லது பாஜகவின் பெண் எம்.எல்.ஏ மற்றும் முக்கிய தலைவர்களோ இது குறித்து எவ்வித கண்டனமும் தெரிவிக்காமல் கண்டும் காணாதது போல் இருப்பது ஏன்? என்ற கேள்வி பரவலாக எழுப்பப்பட்டு வருகிறது. கட்சியின் தலைமையும் இதற்கு முற்றுப்புள்ளி வைக்காமல் இருப்பது விமர்சனங்களை மேலும் வலுவாக்கியுள்ளது.

சுமூகமாக நகரும் ஆளுங்கட்சி கூட்டணி ஒருபுறம் எதிர்க்கட்சிகள் மத்தியில் இதுபோன்ற சர்ச்சைப் பேச்சுகள் அரங்கேறி வர, மறுபுறம் ஆளுங்கட்சியான திமுக தனது கூட்டணிக் கட்சிகளுடனான தொகுதிப் பங்கீட்டை எவ்வித சலசலப்புமின்றி சுமூகமாக முடித்து வருகிறது. முதலமைச்சர் மு.க. ஸ்டாலின் முன்னிலையில் இதுவரை 6 கூட்டணிக் கட்சிகளுக்குத் தொகுதிகள் ஒதுக்கப்பட்டு, அதிகாரப்பூர்வமாக ஒப்பந்தங்கள் கையெழுத்தாகியுள்ளன. அவர்கள் முழுவீச்சில் தேர்தல் பணிகளில் இறங்கியுள்ளனர்.

தேர்தல் நெருங்கும் நேரத்தில் வாக்குகளை ஈர்க்க வேண்டிய தருணத்தில், தரக்குறைவான பேச்சுகளைக் கையில் எடுப்பது கட்சிக்கு பின்னடைவை ஏற்படுத்துமா அல்லது தலைமை தலையிட்டு தகுந்த நடவடிக்கை எடுக்குமா என்பதைப் பொறுத்திருந்துதான் பார்க்க வேண்டும்.

Here are some very low offer rated web hosting providers to consider: Click Here