பான்-இந்தியா சூப்பர் ஸ்டாராக ‘பாகுபலி’, ‘சலார்’, ‘கல்கி 2898 AD’, ‘தி ராஜா சாப்’ எனப் பிரம்மாண்ட வெற்றிகளைக் குவித்து வரும் நடிகர் பிரபாஸ், அவரது தாராள மனப்பான்மைக்காகவும் சக மனிதர்களை உபசரிக்கும் பாங்கிற்காகவும் திரையுலகில் எப்போதும் புகழப்படுபவர். தற்போது பிரபாஸுடன் இணைந்து ‘ஃபௌசி’ (Fauji) படத்தில் நடித்து வரும் நடிகர் ஜிதின் குலாட்டி, பிரபாஸின் மனிதநேயம் மற்றும் உபசரிப்பு குறித்து Variety India தளத்திற்கு அளித்த பிரத்யேகப் பேட்டியில் சிலிர்ப்புடன் பகிர்ந்துள்ளார்.
“கேள்விப்பட்டதை விட நேரில் பார்த்தது அதிகம்!” – ஜிதின் குலாட்டி:
பிரபாஸ் குறித்து ஜிதின் குலாட்டி பேசுகையில்:
பிரபாஸ் மிகவும் தாராள குணம் படைத்தவர், மிகச் சிறந்த மனிதர் என்று ஆரம்பத்தில் கேள்விப்பட்டிருக்கிறேன். ஆனால் அவருடன் இணைந்து நடிக்கத் தொடங்கிய பிறகுதான் அது வெறும் பேச்சு அல்ல, நூற்றுக்கு நூறு உண்மை என்பதை உணர்ந்தேன்.
கடந்த இரண்டு ஆண்டுகளாக அவருடன் படப்பிடிப்பில் இருக்கிறேன். யார் உதவி என்று கேட்டாலும் யோசிக்காமல் உடனே செய்வார். அவரைச் சுற்றியுள்ள எத்தனையோ பேருக்கு அவர் தானாக முன்வந்து உதவுவதை நேரில் பார்த்து வியந்திருக்கிறேன். அவர் ஒரு உண்மையான ஜென்டில்மேன்.”
மறக்க முடியாத பிரபாஸ் வீட்டு ‘மட்டன்’ விருந்து:
ஷூட்டிங் ஸ்பாட்டில் இருக்கும் அனைவருக்கும் தனது வீட்டிலிருந்து விதவிதமான உணவுகளை வரவழைத்து விருந்தோம்பல் செய்வதில் பிரபாஸ் பெயர் போனவர். அதை உறுதிப்படுத்தும் வகையில் பேசிய ஜிதின்:
“பிரபாஸ் வீட்டின் ஸ்பெஷல் உணவை நானும் ருசித்திருக்கிறேன். குறிப்பாக அவரது வீட்டிலிருந்து வந்த அந்த மட்டன் சாப்பாடு, நான் என் வாழ்நாளில் சாப்பிட்டதிலேயே மிகச் சிறந்த ஒன்று. இதை எந்த மிகைப்படுத்தலும் இன்றி என் அனுபவத்திலிருந்து சொல்கிறேன்.”
பிரம்மாண்ட எதிர்பார்ப்பில் ‘ஃபௌசி’:
ஹனு ராகவபுடி இயக்கத்தில் வரலாற்றுப் பின்னணியில் உருவாகி வரும் ‘ஃபௌசி’ திரைப்படத்தின் படப்பிடிப்பு விறுவிறுப்பாக நடைபெற்று வருகிறது. பிரபாஸின் பிரம்மாண்ட நட்சத்திர அந்தஸ்தைத் தாண்டி, அவரது எளிமையும் மனிதநேயமும் திரைத்துறையினர் மத்தியில் மீண்டும் பேசுபொருளாகியுள்ளது.
Here are some very low offer rated web hosting providers to consider: Click Here
